JEREMIAH 6:5 - PATHIAN LEKHABU THIANGTHO (BSI)

⁵ “Kipan un, jan leh sim hitiu in, a leng Inteu chu susiai tiu!”

JEREMIAH 6:5 ပူးပေါင်းရင်းမြစ်များ

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

SAM 48:3

Khawpi kul sung ah chun, Pathian in amau humbit ding ahi dan a hiatsak tai.

ISAI 32:14

Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 52:13

Lalpa In, lengpa In tawh Jerusalem khua sung ah In zosia tawh a hâl tum ah; miliante In zosia le a hâl tum khawm tai.

JEREMIAH 52:7

Ziaphatchun, khawpi kulbâng khel hawm in, sepaite chu jan kâl in lengpa huan lam ah bângthua kikâl in a la tai mang zo tau ah, Kaldai sepaite chun khawpi ûm kîmvêl in a la chang zing un. Arabah lam zuan in a jam mang tau a.

JEREMIAH 9:21

“Khawlai tual ah I chateu that ding leh, kiltin ah kipat tangvalte that dingin, thi’na chu I tukvan ua hung lut in, I lal Insungteu inle a lut tai”.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

AMOS 2:5

Ziaziakchun, Judah chung ah mei sawl ing ka tin, Jerusalem kulpite chu kâng tum in a.

OBADIAH 1:1

Obadiah thil mû chu: Lalpa Pathian in Edom chung thu a gen a: Lalpa kiang ah kipat in thu ka la hiau in, namte lak in thangko sawl ahi tai: “Hung kipan un! Ama do dingin kipan hitiu!” a ti’n.

ZEKARIAH 11:1

Aw Lebanon, la kot uh hong un; tichun, la sidar thing sângte chu, mei in a kât tum theina dingin!