JEREMIAH 6:29 - PATHIAN LEKHABU THIANGTHO (BSI)

²⁹ Pum chu hajap in a jap un, ngên chu mei in a kângtui tai; mi nunsiate chu la paidaw ahi diak lo ziak un, sukthian guatna chu a thawn ahi.

JEREMIAH 6:29 ပူးပေါင်းရင်းမြစ်များ

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

ISAI 49:4

Himaleh, keima’n, “A gimthawn ka hi tai, bangmalo ding leh a thawn ding bep in, ka hatna zosia ka la mang zo tai; ahi’n la, ka chung thu chu Lalpa ah um ahi’n, ka sepgim ga chu ka Pathian kiang in a um hi,” ka la ti tai.

JEREMIAH 15:19

Ziaziakchun, Lalpa‘n zia gual hin a gen hi: La hung kit leh hun la kit ing ka tin, ka âng ah ding di la hi. La kam ah thu manthei lo gen lo ah, thugun tak tak la gendaw chun, ka sik ah thugen in pang inla. Amau chun la kiang hun zuan intiu in, nang in vang amau kiang zuan pua’n la.

JEREMIAH 9:7

Ziaziakchun, sepai honte Lalpa‘n zia gual hin a gen a: Tu’hin amau chu ka thît thiantho ah, ka patep lo ngal leh, zia ka mipi gilote chung ah hin, bang dang le bawl ding ka nei em?

EZEKIEL 24:12

Ka gim thawn na e! A khîk sâ tak chu a bei diak pua’n, mei in a tuiêk a kâng thiang thei puai!

EZEKIEL 24:13

La hûknau buakna ka hun silthian guat inle, la buaknau ah kipat in la thiang thei diak puau hi; ka lungnatna a dam masia’n, sukthian kit hita pua’n lau.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

1 PETER 1:7

Sana, mei ah patep nung ah le mangthai thei sekte sâng ah man phazaw, la ginnau chu Jesu Khrista hung kilâk phat leh, pâkna leh choihoina leh lopina a hung hi’theina dingin.

1 PETER 4:12

Doitakte haw, la lak ua patepna nasa tak, nangmau patepna ding ah hung tung chu, thil lamdang la chung ua tung gual in maksa kiu in.

VAIHAWMTE 17:4

Tichun, a dangka chu a nu kiang ah a piak kit phatin, shekel za ni a ladok ah, zia chu dangka sekpa a pia’n, milim sêkthaw leh sunthaw a siam piak ta’n; ziate chu Mikah In ah a koi un.