JEREMIAH 6:26 - PATHIAN LEKHABU THIANGTHO (BSI)

²⁶ Aw ka mi gentheite haw, saidip puan sil unla, leivui lak in kitel puang un; cha neisun sûn gual in, Kâ La ngai tak tak in sau in; siatna chu I chung un hung tung thut, ziang ding ahi ngâl a.

JEREMIAH 6:26 ပူးပေါင်းရင်းမြစ်များ

THILSIAM THU 21:16

“Naupang thi ding chu ka en ngam puai,” a ti ziakin gâlkâng deu, thalchang kâp phâkna ding tiang in a chia mang ah, a mazawn ah chun a kichu ta mai hi: Chuleh, naupang chu hung dakdok in, ha-kâ in a hung kap ta’n.

JOB LEKHABU 15:21

A nakhang un thawmgi lau um tak a hezing un; a thil nei buting hun un a susia ding, a chung un hung tung in a.

JOB LEKHABU 2:8

Job chun a kikhuatna dingin bêlhal a la’n, vut lak in a kichu ta mai a.

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

ISAI 22:4

Ziaziakchun, zia gual hin ka gen tai: Ei kiheimangsan unla, theitawp in kap ing ka; ka mipi doitakte siatna sûn ka hiziak in, ei he’nêm se se kiu in.

ISAI 3:24

A gimtui uh ui ta’n tin, a ngaltuamnau thasâng un khauhual; a sam uh pha tak ah het malak sâng un, a luchang uh kol intin; puan man tam lopi tak malak in, saidip puan khu’khum hita’n tin; a mêlpha thei pen ah kithuam malak sâng in, zachatna’n kithuam ta’n au.

ISAI 30:13

ziaziakchun, nunsiatna chu, nang uh â dingin bâng sâng khikêk, kikêusa chimtha vang vang, hung chimtha phut ziang thei gual chu hi’n a.

ISAI 32:11

Numei nuamsate haw, kithing unla, numei ngaisamte haw, kithing in, la nîk leh puan liptha’n, saidip puan chêng un.

JEREMIAH 12:12

Gamkeu ah tâng gawchâk tin ah kipat in, gam hisia dingte chu a hung suk un; Lalpa chemjam chun gam mong langkhat lam ah kipat, a langkhat lam tiang in hun that gam intin, a suakcha um pua’n au.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 14:17

Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

JEREMIAH 15:8

A meithâiteu chu tuisuagiat pang ah, piaunêl sâng in a tam zawu ah; sunchang lai ah a khanglaiteu that ding mite ka hun sawl in, a chung ua patauna leh, dip dapna phutlo in ka tunsak tai.

JEREMIAH 18:22

Hetkhol lo ah amau sim ding la hung tunsak phat leh, a In ua kipat kâ thawm het in um ta hen! Ei matna ding un kawkhûk a cho un, ka keng awkna ding thâng a kam ta’ngal un.

JEREMIAH 30:5

Lalpa‘n zia gual hin a gen a: Muanna aw hilo in, patau aw leh dipchâkna aw ka la hiau a.

JEREMIAH 4:11

Ziaphat chuleh, zia mipite leh, Jerusalem kiang in zia thu hi gen piak hita’n a: Gamkeu lam ah tângsâng ah kipat in, ka mipite genthei tak ah umte mût vot ding leh, mut thiang ding hilo in, keima ah kipat in hui lum tak hung hâng ding ahi.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JEREMIAH 6:14

Ka mipite beliam chu thulim lo tak in a kaituau in, thamuanna ding a umlo lai inle, “Muanna, Muanna,” a tiu hi.

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

JEREMIAH 8:21

Ka mipi gentheite natna chu ka thokpi ah, ka sûn ah, lungdonna chun ei chûm tai.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

KÂ LATE 1:16

Zia thilte ziak hin ka kap in; ka mitthi tui a luang hi; thamuantu ding leh ei hi’hat ding, a gamlat tâk ziak in; mêlmate’n ei nuaisia tâk ziak un, ka vonchoiteu nutsia in a um zo tau.

KÂ LATE 1:2

Jankhua’n a kap ngawi ngawi ah, a biang ah mitthitui luang kawm in; a gual ngaite lakah ama thamuan ding, khatle a um puai; a lên gualpi zosia’n a lepbawl tau in, a kilanpi’n a hung pang tau hi.

KÂ LATE 2:11

Ka kâ na’n ka mitthi tui a kang hial tai; ka bupi le a kichok a; ka mite hi’siat a hiziak un, nausente leh naupangte chu, kotzing tin ah thidang ah a um zo tâk ziak un, ka thinkha nasan lei tual ah butthâk in a um tai.

KÂ LATE 3:16

Ka ha hi suangchang a pe’sak in, vut lak ah ka bok in ei vâksak a;

KÂ LATE 3:48

Ka mipite suksiatna ziakin, ka mitthi lui tui gual in a luang hi.

KÂ LATE 4:10

Mi lungsiat thiam numeite khut in, amau chate sa a huan tau in; ka mite siatna tuak ni chun a an uh a hung hi tai.

KÂ LATE 4:3

Si-alte’n bawn a noteu a nawi uh, a chêpsak sek un; ka mite vang gamthip ah, Va sakol tawhbang ah gilo a hiu.

KÂ LATE 4:6

Ka mite zilgaina chu, Sodom khawte gawtna sâng in a huaisia zaw’n, zia khua kha vang a chung ah khut kitha lo ah, mitphet kâl sung bep ah, hi’mangthai a la hi ta’ngal a.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.

JONAH 3:6

Zia thu chu Nineveh khua lengpa’n a hun het phat in, a lalchutpha ah kipat dingdok in, a lal puan a lîptha, saidip puan sil in, leivui lak in a kichu tai.

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

LUKA 7:12

Khawpi kul kotkhak a hun nai phat un, mithi pakhat a hun jawndok ua. Ama chu a nu chapa changkhat neisun ahi’n, a nu chu meithâi ahi; khawpi mipi tam tak inle a hun zui un.

JAKOB 4:9

Lungngai unla, lusûn in kap un. La nuinau chu lungngaina chang hen la, la kipaknau chu nguina chang hen.

JAKOB 5:1

Tu’hin, mi hausate haw, la chung ua thokgimna hung tung dingte ziakin kap in mau un.