JEREMIAH 6:25 - PATHIAN LEKHABU THIANGTHO (BSI)

²⁵ Loulai ah pawtdok kiu inla, Lamlian dung inle chia kiu in; mêlmate’n chemjam a chawi un, kiltin lau umna ngen in a dim ta’ngâl a.

JEREMIAH 6:25 ပူးပေါင်းရင်းမြစ်များ

2 KHANGTHU 15:5

Zia hun lai ah chun, a gam sung ah chêngte â ding ah haksatna tam tak a um ziakin, chia suk chia to lumlet le a lau um ma ma hi.

JOB LEKHABU 18:11

Kiltin ah kipat launa’n a hun ûm in, a khawtalzum uh a chuan zui pek hi.

SAM 31:13

Mi tam tak kiho gûkna ka hegu ta’n, lau umna’n ei tuam kîmvêl hi! Keima kãl in thil a guanggal khawm un, ka thi’na ding a ngaituau hi.

ISAI 1:20

ahi’n, thu mang lo ah la huhel uh chun, chemjam in hun vai tan in a; Lalpa kam in a la gen ta’ngâl a,” ti in.

JEREMIAH 14:18

Gamlak ah chia leng, chemjam ah thite mu’ng ka tin, khawpi sung lut leng, kial thuak ah nat thuakte mu ding ka hi! Jawlnei hi’n, thiampu hitaleh, gam pumpi’n amau lawkna ding bep hawl in, a vak vêl vêl un, hetna him him a nei puau hi.

JEREMIAH 20:10

Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

JEREMIAH 30:5

Lalpa‘n zia gual hin a gen a: Muanna aw hilo in, patau aw leh dipchâkna aw ka la hiau a.

JEREMIAH 4:10

Ziaphatchun, keima’n, “Katei, Lalpa Pathian, zia mipite tawh Jerusalem khawpi hi, la thêm zo na lawm lawm e! Chemjam tawh a gawl uh suktua ahi tiang unle, a kiang un bangma ti pua’n lau, ti’n la thamuan nalai ah,” ka tia.

JEREMIAH 4:5

Judai gam ah genjak unla, Jerusalem ah chun zia gual hin tângsam un: A gam pumpi’n pengkul mût unla, ngai tak ah kiko in zia gual hin gen un: “Hung khawm unla, khawpi kuldet neite ah chun lut hitiu!”

JEREMIAH 46:5

Bang ding ah amau lauthawng ah hun mu ka hem? A kinungchawn tau a; a gâl hangsanteu tawden a hitau a, kin-gang tak in a taichek zo tau hi. Nung lam en talo in, tizatna’n a tuamchak zo tai, Lalpa‘n a tii.

JEREMIAH 49:29

A puanbûkteu leh a gancha honteu, a puanjakteu leh a nei thil zosiau, lâkpiak sik sek unla; a sangawngsauteu chu kipuimang unla: “Lau umna’n ei ûm kîmvêl tai!” ti’n kâ thawm gi zung zung ta hen.

JEREMIAH 49:5

La kîmvêl ah kipat in tizatna hun tunsak ing ka tin, la majawn chiat un la hinnau hukna’n, taijak sik sek ta’n lau; a taijakte huaikhawm kit ding, kuama um ta pua’n a, Lalpa, sepai honte Pathian in a tii.

JEREMIAH 8:14

Bang ding ah kichu hiat hiat I hiu em? Hung khawm unla, kul det nei khawpite chun lut hitiu in, zia chun vathi mang ziang hitiu. Lalpa chung ah I la gitlo tâk ziak un, Lalpa I Pathian un a thi mangthai ding ah ei koi a hita’i, I dawn ding un tui gu’ kisaw ei pia ta ahi.

JEREMIAH 8:15

Thamuanna I hawl un, ahi’n la, thilpha bangma I mu puau hi; sukdamna hun I hawl un, ahiziak in, tizatna ngen a hizaw tai.

KÂ LATE 2:22

Kil tin ah kipat ka mêlmateu chu, kût thupi tak ah pang ding gual in, la chial khawm a; Lalpa lungnatna ni ah chun, hingle a hingdok puau, ka hin leh ka dot seilette chu, ka mêlmate’n a that gam tai.

EZEKIEL 21:17

Ke’nle ka lungnat thepbi’na dingin, khut leh khut in kisattua pi’ng ka; ti’n Keima Lalpa hin ka gen ta’ngal ah, ti in.

EZEKIEL 7:18

Saidip puan sil intiu in, dipchâkna’n dim ta’n au. Mi zosia zakcha’n tin, a luchang zosiau kol ta’n a.

LUKA 19:43

Bangtik ni a hem leh la mêlmate chun kul in hun ûm khum intiu in; hun châng kîmvêl intiu in, a ning a ning in hun ûm bichil intiu in.