JEREMIAH 6:16 - PATHIAN LEKHABU THIANGTHO (BSI)

¹⁶ Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

JEREMIAH 6:16 ပူးပေါင်းရင်းမြစ်များ

1 LENGTE 8:36

van ah la ngaitha’n la, la suakte leh la mi Israelte ngaidam inla, a zui ding ua lampi pha hil in; chuleh, a golua ding ua la mipi la piak, la gam ah gua hun pia’n.

2 KHANGTHU 19:11

Ngai un, thiampu lal Amariah chu Lalpa lam thu ah la hotu ding un a um hi; chuleh, lengpa thusuak lam zosia ah Judai gam-ukpa dingin Ishmael chapa Zebadiah a um hi; chuleh, Levite chule la hotu ding un a um ui. Hangsan tak in ngaituau inla, mi phate kiang in Lalpa chu um zing ta hen!” ti’n a gen a.

SAM 116:7

Aw ka hinna, la cholna lam ah chun chia kit ta’n, Lalpa‘n la chung ah pha tak in a bawl ta ngal a.

ISAI 2:5

Aw Jakob Inkuan ah mite haw, hung unla, Lalpa vâk ah hin leng dial dial tai tiu!

ISAI 28:12

“Zia tak hi chawldamna mun ahi, thachawlte chu kichawldam sak un; zia tak hi kidaithâna mun ahi,” ti’n a kiang un a la gen ta maleh, a ngaisak nuam puau hi.

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

ISAI 57:2

lam dik ah chiate chu a thamuang un, a lupna chung unle chawldam in au.

ISAI 8:20

Zia gual ah thugente chun phalvak mu him him pua’n au!

JEREMIAH 12:16

Ziaphat chuleh, gunchu tak ah ka mite umchan zosia a zil ua, “Lalpa chu a hinnâk leh,” ti ah ka mite Baal min ah kitiam dan a la zilsak gual ua, ka min ah kitiam dan a kizilsak nâk uh chun, ka mite lak ah chun tung ding khawm ta’ng ka.

JEREMIAH 18:12

Himaleh, amau chun, “Bang dukdak ahi puai! I lungtup gual gual un um hitiu in, lu’lul tak ah I thil tup uh phalo dungzui chiat ah I um ding uh ahi,” a tiu a.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 2:25

La kengte chu kengtawdap bei ah vâksak lo ding leh, la dang keu lo dingin vêngtup zing in. Himaleh, nang in, “Kinem kin! Gam dangte hepi ka hi’n, amau chu delzui ding ka hi,” la ti hen.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 31:21

Lamlian tepte’na leh lamkawk kisiam unla, la chianau lamthuampi leh, lamlian haw chu ngaitua phau in. Aw, nungak thiangtho Israel, hung kit inla, zia la khawpite lam hi zuan in hung kit ta’n.

JEREMIAH 42:3

Lalpa, la Pathian chun khoilam zuan ah chia ding ka hiu em, bang bawl ding ka hitau em, ti ei hil hen,” a hung tiu a.

JEREMIAH 44:16

“Lalpa min ah ka kiang ua la thu gen chu, ngaisak naisai pua’ng kau.

JEREMIAH 50:5

Zion lam nga’n, a lampi ding dong malam pek in, kumtuang thuthung, bangmatik ah le hetmil tâk lo ding ah Lalpa tawh kizopna nei in hung khawm ta’n au.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

JEREMIAH 7:3

Israelte Pathian, sepai honte Lalpa chun zia gual hin a gen hi: La umdanteu leh la thilbawl danteu siamphau inla, zia mun ah hin keile la kiang un hung chêng ing ka.

MALAKI 4:4

Ka suakpa Mosi zilsakna leh Horeb tâng ah Israelte â ding ah ka thuguatte, ka dan thute leh ka thupiakte kha hezing un.

LUKA 16:29

Himaleh, Abraham in, Mosi leh jawlneite a um nau hi, amau thu chu a la ngai uh hen a tia.

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 13:17

Zia thilte hi la het ua, la hun bawl ua leh hampha ma ma in lau.

JOHAN 5:39

Pathian Lekhabu sung ah kumtuang hinna um ah la het ziak un, gunchu tak in la sim sek ui; ziate chu keima thasâng ah thu hun hiatsak ahi ngal a.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

ROMTE 4:12

Chutichun, zektanlote â ding ah zektan pa bep hilo in, I puu Abraham zektanlo ah a um lai ah, ginna a nei gual ah neite pa le ahi.

DAN LEKHABU 32:7

Malai nite kha hezing unla, kum tam tak liamtate kha gêl un; la pa dong lechin, hun hil thei intin; la upate le dong lechin, hun hil in au.

KOLOSSA 2:6

Ziaziakchun, Khrista Jesu, Lalpa chu la la pom tâk gual un, ama ah um zing un.

HEBRAITE 11:2

Ginna ziakin I pu leh pateu khan pâkchâk a la law tau hi.

HEBRAITE 6:12

Thada kiu inla, ginna leh thok-hatna ah thutiam changte kha zui zaw tau in.

VAIHAWMTE 2:17

Ahi’n la, a vaihawmteu thu nasan a ngaisak nuam ta puau ah; pathian dang a lunggul zawk ziak un, ziate chu chibai a buksan zaw tau hi. A pu leh pateu in Lalpa thupiak zui ah a chianau lampi chu a kiheimangsan tau ah; a sulnung uh chu a zui ta puau hi.