JEREMIAH 6:11 - PATHIAN LEKHABU THIANGTHO (BSI)

¹¹ Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

JEREMIAH 6:11 ပူးပေါင်းရင်းမြစ်များ

ISAI 40:30

Khangdawng nalai nasan a chawl un, a chautha thei un; khanglaite chule hung sawlsam in kilîk in au;

JEREMIAH 15:17

Nunnop bawl mite lak in ka kichu pua’n, ka limpi diak puai; la khut delgikna nuai ah kei ngen in ka kichu sek a, nang in lungkim lona’n lei sungdim ta’ngal a.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 20:9

“Ama chu gen puak ta pua’ng ka tin, a min inle thu gen kit ta pua’ng ka,” ka tileh la, zia phat chuleh, ka theng sung ah meiâm um gual in, ka thipsan thei pua’n; ka thip hiat hiat leh la ka thuak zo sek pua’n, ka thipsan thei diak paw’ngal a.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

JEREMIAH 9:20

Aw numeite haw, Lalpa thu gen hi a la ngai unla, a kam ah thu pawt hin la bil uh a la dawu in; la chanuteu kâ La hil unla, la Invêngteu chiat kâ dan hil un.

JEREMIAH 9:21

“Khawlai tual ah I chateu that ding leh, kiltin ah kipat tangvalte that dingin, thi’na chu I tukvan ua hung lut in, I lal Insungteu inle a lut tai”.

KÂ LATE 1:15

Ka gâlhatteu Lalpa‘n bangmalo a sua in; ka tangvalteu hi’chimitna ding, hunbî a pua’n khum tai; nungak thiangtho Judah chu, grep sûkna khûk ah, chil in a chuanchil tai.

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

EZEKIEL 3:14

Thagau chun ei domkâng in, ei paw mang ta’n; ka chung ah Lalpa khut a hât bêk ziakin, ka thagau kithunun lo leh nuam lo sasa’n ka chia tai.

EZEKIEL 3:3

Ka kiang in: Mihing, zia lekhabu kizial ka hun piak chu ne’n la, la gilpi vâ hial in ne ziang in, a hun tia. Ziaphatchun, ka ne ta’n; ka kam in khuaizu gual in a thum hi.

EZEKIEL 9:6

A têk, a khang, numei leh naupang, a leng un that gam unla, tepte’na nei cheng vang khoikha kiu in. Ka mun thiangtho ah chun that pan un,” a hun ti’n. Tichun, tempul In mai tual ah upa vaihawmte lak in a hun that pan tau a.

MIKAH 3:8

Keima ka hileh vang Jakob kiang ah a bawsiatnau, Israel kiang ah a gitlonau ka hiatsak theina dingin, Lalpa thagau ziak ah chun thilhitheinate, vaihawmnate leh hatnate ah chun ka dim zing tho hi.

LUKA 17:34

Ka hil la hiu, jan lai ah lupna pakhat ah mi pani lumte le, pakhat lak in um intin, pakhat nutsia hi’n a.

NASEPTE 17:16

Paul chun Athen khua amau a la ngâk sung in zia khawpi chu milim ah dim ahi dan a mudaw ziakin a dâ ma ma a.

NASEPTE 18:5

Sila leh Timothi chu Makedonia ah kipat a hung tun phat un, Paul chu thugen lam bep in a kipia’n, Jesu chu Messiah ahi ti Judate kiang in a hilchian sek a.

NASEPTE 4:20

ka thil muu leh het uh chu gen lo thei ka hi puau hi,” a tiu a.

THUPUAN 16:1

Tempul ah kipat aw ngai tak hin, vansawlchâk pasagite kiang ah chun, “Chiau inla, Pathian lungnatna belbu pasagite chu lei ah vabuntha tau in,” a ti ka he.