JEREMIAH 6:10 - PATHIAN LEKHABU THIANGTHO (BSI)

¹⁰ Ka vauhilna thu ngai dingin, kua kiang ah gen ding ka hi tam? En tia, a nakhangteu chu vî lo ahi’n, bangma a hethei puau hi. Lalpa kamsuak chu a sim mawu in, a thu gen a kipakpi thei puau hi.

JEREMIAH 6:10 ပူးပေါင်းရင်းမြစ်များ

SAM 1:2

a kipaknau chu Lalpa dan in ahi zaw’n, a dan thu chu a sûn a jan in a ngaitua sek ui.

SAM 119:16

La thuguatte chung ah kipak ing ka tin, la thu chu hemil pua’ng ka.

SAM 119:174

Aw Lalpa, la hukdamna chu ka thangai hi, la dân chu ka kipakna ahi.

SAM 119:24

La thu hetsakte ka kipakna ahi’n, thupha ei kawkmute a hiu.

SAM 119:35

La thupiak dungzui in ei pui in, zia chu ka kipakna lam tak ahi ngal a.

SAM 119:70

Amau chun hiatthiamna him him a nei puau a; kei vang la dan ah hin ka kipak hi.

SAM 119:77

Ka hintheina dingin, la lainatnate chu ka kiang hung tung ta hen; la dan chu ka kipakna ahi ngal a.

SAM 40:8

Aw ka Pathian, la doigual bawl hi, ka thatnop lam tak ahi’n; la dan chu ka thinlung in a châm zing hi,” ka ti’n.

PAWTDAWNA THU 6:12

Himaleh, Mosi chun Lalpa kiang in, “Ngaitia, Israel mipite nasan in ka thu a ngaisak ta puau ah; kei tawhbang ah thugen theilo hi Pharaoh in ei la ngaisak ding a hem?” a tia.

ISAI 42:20

Thil tam tak a la mu ta maleh, a la ngaisak pua’n; a nakhang a vâk ta’n, himaleh, bangma a he diak puai.

ISAI 53:1

Ka thu gensawn uh kua’n a taksang awm? Chuleh, kuate kiang in Lalpa khutbân chu, tâklat in a um em?

JEREMIAH 35:13

Sepai honte Lalpa‘n zia gual hin a gen hi, ti’n la: Judai gam ah mipite leh Jerusalem ah chêngte kiang in chiau inla, a kiang un: Lalpa‘n, bangma zil thei lo leh ka thute hi mang thei him him lo la hiu em? vatiu in.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

JEREMIAH 9:26

Gam keu ah chêng, a chalsam uh tan sek zosia, Aiguptate, Judate, Edomte, Ammonte leh Moabte chung ah vaihawmna ding chu. Zia namte zosia hin a zek uh a tan puau a, Israelte zosia le a lungthim uh zektanlo ngen ahi ngal un.

EZEKIEL 3:7

Himaleh, Israel Inkuante chun la thugen ngaisak pua’n au, ka thugen a ngainop lo ziak un; Israel Inkuante zosia milochal leh lung tâk ngen a hiziak un.

EZEKIEL 33:3

gâlvêngpa chun gâlte hung chu mu’n, mipite hillawkna pengkul chu mût hen la;

EZEKIEL 33:9

Himaleh, migilote chu a umdan diklo uh haisan ding ah la hil nung ah le, a haisan diak lo ua leh, mi gilote chu a thi ngei ngei diu ahi; himaleh, nang in la hinna hukdok ding la hi.

AMOS 7:10

Ziaphatchun, Bethel ah thiampu Amaziah chun, Israelte lengpa Jeroboam kiang in, “Israel Inkuan lak ah a lailung tak ah Amos in nang siatna ding a gûk in a gêl in; a thu gente chu gam in a thuak zo puai.

MATTHAI 3:7

Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?

LUKA 11:45

Ziaphatchun, danthiam mi pakhat in a hun dawnhu a, “Hotupa, la thugen chun keihaw lei selpho na e!” a hun tia.

LUKA 20:19

Lekhazikte leh thiampu lalte chun zia tekhinthu chu amau kawk ah a gen ahi ti a het phat un, a chung ah khut thâk ngal a nuam tau a; himaleh, mipite chu a lau kit tau hi.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

JOHAN 9:40

Zia a thugen chu a kiang ah Pharisai umte chun a la hiau ah, a kiang in, “Aleh, kei uh le mitthûm ka hiu em?” a tiu a.

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

NASEPTE 7:60

Ziazaw chun, a hung khupdin ah, aw ngai tak in a hung kiko ah, “Lalpa, zia gitlona hi a chung un sîk kin,” a tia. Zia chu a gen zaw in, a thi tai. Saul chun a thi chu lem a sakpi hi.

ROMTE 7:22

Ka mihing sung lam ah hin Pathian dan zui ka thatnoppi ma ma sek a;

DAN LEKHABU 29:4

Himaleh, Lalpa‘n tu’ni tiang hin ziate haw kha la hetchian theina ding uh lungthim leh, mu chian theina mit leh hettheina nakhangte a hun penai puai.

KOLOSSA 1:28

Mitin Khrista Jesu ah bukim tak ah ka piak theina ding un mitin chu hil in, pilna zosia ah hil in, ama chanchin chu ka gen sek uh ahi.

2 TIMOTHI 4:3

Mite’n thuhilna dik a ngaithâk peilo hun uh hung tung ding ahi ngal a; a nakhangteu a zat ziakin amau nopna tawh kituakte gen dingin, thuhil dingte kichom khawm ding a hiu;

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.