JEREMIAH 52:9 - PATHIAN LEKHABU THIANGTHO (BSI)

⁹ Lengpa chu a man tau a, Hamath gam ah Riblah mun ah Babulon Lengpa kiang in a pui to ua, a chung châng thu ding a gendaw piak tai.

JEREMIAH 52:9 ပူးပေါင်းရင်းမြစ်များ

1 LENGTE 8:65

Tichun, zia hun ah chun Solomon leh Israelte kikhawm a kiang ah um zosiate chu, Lebo-hamath ah kipat leh Aigupta lui tiang ah kipat mipi hungte chu tawh, Lalpa I Pathian uh âng in kût ni sagi sung a mang tau a.

2 LENGTE 23:33

Ama chun Jerusalem ah vai a hawm sawtlona dingin, Pharaoh Neko chun Hamath gam ah Riblah mun ah chun a khâktan ah; tichun, khasana ding dan in dangka talent za khat leh sana talent khat a piaksak a.

2 LENGTE 25:6

Tichun, Lengpa chu a man ua; Riblah lam ah Babulon Lengpa kiang in a pui tung tau ah; a chung thu vaihawmna a hun nei tau ah, a chung thu a thupûkna gual tak un,

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

2 KHANGTHU 8:3

Chuleh, Hamath-zobah do in Solomon a kuan ah, a vazo ngalah.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 39:5

Himaleh, Kaldai sepaite chun a delzui tau ah, Jeriko phâijawl ah Zedekiah a delpha tau a; a hun mat phat un Hamath gam ah Riblah mun ah um Babulon Lengpa Nebukadrezar kiang in a hun pui tung tau a; a chungchâng thu ding a gen piak ngal tai.

KÂ LATE 4:20

Lalpa sathaunu’, I hinnau hu chu, a kawkhûk un a pui lût tau in; zia thu ah chun, “Ama lîm nuai in nam dang lak a, chêng ding I hiu,” I la tiu a.

EZEKIEL 11:10

Chemjam in thi’n la tiu in, Israel gamgi bul tiang in vaihawm ding ka hi. Tichun, keima hi Lalpa ka hi ti hun he ta’n lau.

EZEKIEL 23:24

Mallam ah kipat in mipi tam tak in a sakol kângtalaiteu leh, van pawte tawh hung do ding a hiu; kil tin ah nang do dingin phaw tawh, thik lukhuk tawh hung kuan intiu in, a kiang un vaihawmna pia’ng ka tin, a dan thuguat dungzui un la chung ah vaihawm ta’n au.

KISIMNA LEKHABU 13:21

Tichun, Zin gamthip ah kipat chia to in, Lebo-hamath kiang ah Rehob tiang in a vaentha tau a.

KISIMNA LEKHABU 34:11

zia gamgi chu Sepham ah kipat in Ain sualam kâi ah um Riblah tiang in kithung suk pek intin; chuleh, gamgi chu kithung pek in Chinnereth Dil sualam pang ah kenliang tiang in thun hi’ntin;

JOSHUA 13:5

Gebal mite gam leh sualam Lebanon gam zosia, Hermon tâng nuai ah Baal-gad ah kipat Lebo-hamath khua lutna tiang leh,