JEREMIAH 52:7 - PATHIAN LEKHABU THIANGTHO (BSI)

⁷ Ziaphatchun, khawpi kulbâng khel hawm in, sepaite chu jan kâl in lengpa huan lam ah bângthua kikâl in a la tai mang zo tau ah, Kaldai sepaite chun khawpi ûm kîmvêl in a la chang zing un. Arabah lam zuan in a jam mang tau a.

JEREMIAH 52:7 ပူးပေါင်းရင်းမြစ်များ

2 LENGTE 25:4

Ziaphatchun, khawpi kulbâng mun khat a phevang ua, Lengpa tawh a sepaite chu zia jan ah chun Lengpa huan pâm ah, kulbâng thua ni kikâl ah chia in kul kotkhak ah Kaldaite, amau ûm kîmvêlte lak chu hawtheng in a taidok ua, Arabah lam zuan in a tai pek tau a.

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 39:2

Zedekiah lal kum, sawm leh khatna a tha li’na, a ni kua tin ni chun, khawpi kulbâng chu sukvan in a hung um ta’n.

JEREMIAH 49:26

Ziaziakchun, a tangvalte chu, lamthuam tin ah thi’n tiu in, ziaphat chuleh, a sepai zosiate chu, suksiat dik dek hita’n au; Sepai honte Lalpa chun a tii.

JEREMIAH 51:32

Lui gâl kaimun a lua tau in, dawp lak zosia hâltum a hita’n, sepaite le a lauthawng zo tau hi.

JEREMIAH 6:5

“Kipan un, jan leh sim hitiu in, a leng Inteu chu susiai tiu!”

EZEKIEL 12:12

A lak ua lal chapa um pen chun, a van chu thim lak in a liangko ah pua’n, chia ta’n a; bâng chu phe hawm intin, zia hawm ah chun pawtdok in a; chuleh, a chiana ding khua a mutheilo’na dingin a mai puan in tuam in a.

EZEKIEL 12:4

La van puak chu sunah a mit muu in pawdok inla, saltângte van puak ding gual in pua’n; chuleh, sal ah pui ah umte gual in, nitâk lam leh a mit muu in la puakdaw ding ahi.

EZEKIEL 33:21

Ka saltânnau, kum sawm leh ni’na, tha sawmna leh, zia tha ah a ni nga tin ni chun, Jerusalem ah kipat hung suakcha pakhat ka kiangah hung in, zia gual hin a gen a: “Khawpi chu a pûk thiang tai,” a ti’n.

THIAMPUTE LEKHABU 26:17

Nang uh do dingin ka mai le’hei ing ka tin, la mêlmateu thâgam in hung um in lau: La mêlmateu in la chung un vaihawm intiu in, kuama del lo inle jam in lau.

THIAMPUTE LEKHABU 26:36

Hing leh dam ah suakcha, a mêlmateu gam ah umte chung ah chun lungthim ah lauthawngna tunsak ing ka tin; hui in hampa a mût git mai mai le lau ah, chemjam in a del gual ah tai in, kuama’n a del lo inle kipal pâi hial in tai in au.

AMOS 4:3

Mi tin chu amau ma zawn chiat un, bâng awngkâl ah pawtdok in nusia in la tiu in; Harmon sung ah pai lut in hung um in lau, Lalpa‘n a tii.

DAN LEKHABU 28:25

Lalpa‘n la mêlmateu zaw in hun umsak in, amau do dingin lampi khat zui maleu chin, lampi sagi ah taijak in lau. Khawvel lenggam zosiate â ding ah tizat um ah gensim hung hita’n lau.

DAN LEKHABU 32:30

Bangtidan ah mi khat in mi sang khat zo thei ah, mi pani’n a sîngtêl jam siatsak thei a hiu ah, a Suangpiu in a khotdawsa a hiu ah, a Lalpau in a nutsiasan a hilo ngâl leh?