JEREMIAH 52:6 - PATHIAN LEKHABU THIANGTHO (BSI)

⁶ Tha li’na, a ni kua tin ni kipat in khawpi sung ah chun a gam ah mipite nêk ding an a um tâk lo ziakin, kial a huaisia ta ma ma ziang a.

JEREMIAH 52:6 ပူးပေါင်းရင်းမြစ်များ

2 LENGTE 25:3

Tichun, a tha li’na, a ni kua tin ni kipat chun kial huaisia tak in zia khawpi chun a hung tung tai; mipite nêk ding bangmacha a um ta puai.

ISAI 3:1

Tu’hin, Bangkim hi’thei, sepai honte Lalpa chun: Jerusalem leh Judah mipite kingakna, a nêk leh dawn, a matchâk leh, a tuinâk zosiau tawh,

JEREMIAH 15:2

Amau in la kiang ah, “Khoi lam ah chia ding ka hiu em?” a hun ti phat ua leh a kiang un, Lalpa‘n zia gual hin a gen hi, ti’n la: “Natpi’ thi ding ah guat ah umte chu, natpi’n thi’n tiu in; chemjam ah thi ding ah guat ah umte chu, chemjam ah thi’n tiu in; kial ah thi ding ah guat ah umte chu, kial in thi’n tiu in; sal ah tâng ding ah guat ah umte chu, sal ah tâng ta’n au,” ti in.

JEREMIAH 19:9

Tichun, tha chimit ding ah a ûm kîmvêl ua, thi ding lau ah a kisêlna lam un, a chapateu leh a chanuteu saphe nêksak in, mitin in a Invêngteu saphe chiat kinêk tuasak ding ka hi tai.

JEREMIAH 21:9

Zia khawpi sung ah um taphot chu chemjam in, kial leh hîpi’n thi’n au; ahi’n la, hung pawtdok ah, a hun ûm kîmvêl Kaldaite kiang ah kipia lut tapo chu hing intiu in; tichun, a hinnau chu kido’na man dingin hinghoi hita’n au.

JEREMIAH 25:10

Chuleh, a lak ua kipat limna husa, kipakna thil git leh mo neipa aw hihen la, mo nu aw hitaleh, buhêkna khawl git leh thaumei vakna zosia naw mang ta’ng ka.

JEREMIAH 37:21

Tichun, Lengpa Zedekiah chun thu a pia; Jeremiah chu gâlvêngte huang sung in a khum tau a; khawpi sung ah vaithum a um sung sia chu nisi’n in vaithum tâng khat a pia zing tau hi; tichun, gâlvêngte huang sung ah chun a um den tai.

JEREMIAH 38:9

“He pu lengpa, zia mite hin jawlnei Jeremiah tuikul sung ah kial ah thi ding ah a khiak lut uh hi a dik puai, khawpi sung inle vaithum a um ta paw’ngâl a,” ti’n a vagen a.

JEREMIAH 39:2

Zedekiah lal kum, sawm leh khatna a tha li’na, a ni kua tin ni chun, khawpi kulbâng chu sukvan in a hung um ta’n.

KÂ LATE 1:11

A mipite’n dip dap in an a hawl un; a hatnau hi’halna dingin, a go thil lûl tak teu a zuak tau. Aw Lalpa, en tiam in, bang gual bep ah man tawm ka hitau em!

KÂ LATE 5:10

Kialna ziak ah nisapi thuak in, thukkhûk gual in ka vun uh a vom zo tai.

EZEKIEL 14:13

Mihing, gam pumpi’n ginum lo tak ah ei gitlosan phat uh leh, ka khut amau do in ka lâm ah, a ankuang uh bunkhup in, kialna ka tunsak sek ah; chuleh, gancha leh a mihing chanpiu lakah kipat in ka paitha sek in,

EZEKIEL 14:21

Lalpa Pathian in zia gual hin a gen ngal a: Jerusalem gawtna palite, chemjam, kialna, gam sahângte leh natpi, mihing leh gancha that gam ding ah ka hun sawl hun ding chu a huaisia na ding e!

EZEKIEL 31:1

Kum sawm leh khatna, tha thumna, a ni khat ni chun, Lalpa‘n ka kiang in thu a hun gen a:

EZEKIEL 5:16

Nanghaw susia ding mawng mawng ah kialna thalchang, thitheinate ah ka hun kâp ah, a hun susia ding thalchang ah kâp la hiu a; kialna a khawk zaw diak ah ka hun tunsak ah, la hinna bul uh ka hisiat phat leh, zia gual chu tuak ta’n lau.

EZEKIEL 7:15

Pawlam ah chemjam, sunglam ah natpi leh kialna, gamlak ah umte chemjam ah thi’n tiu in, khawpi sung ah umte chu, kial leh natpi’n thizo in au.

THIAMPUTE LEKHABU 26:26

La bu In teu ka suksiat phat leh, numei sawmkhat in thuk pakhat ah vaithum kang khawm thei ta’n tin uh, te’ chit chiat in la vaithum ding uh hun pia ta’n tin uh, zia chu ne zo in la tin uh, vâ in, tai diak pua’n lau.

ZEKARIAH 8:19

Sepai honte Lalpa‘n zia gual hin a gen hi: “Judah Inkuan ah mite â dingin, tha li’na anngawlna, tha nga’na anngawlna leh tha sagi’na anngawlna leh tha sawmna anngawlna nikhuate hi, kipakna leh limna, Judah Inkuante’n kipak tâng gual chiat ah a mat dingteu chu ahi; ziaziakchun, dikna leh kichamna chu thangai tau in”.

DAN LEKHABU 32:24

Kial thi intiu in, natna lau um tak in thi’n au, amau that dingin gamsate sawl ing ka tin, gûlgu hatte’nle chu’lum ta’n au.