JEREMIAH 52:27 - PATHIAN LEKHABU THIANGTHO (BSI)

²⁷ Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

JEREMIAH 52:27 ပူးပေါင်းရင်းမြစ်များ

2 SAMUEL 8:9

Chun, Hamath Lengpa Toi chun, David in Hadadezer sepaite zosia a zo tai ti thu a la het phat in,

2 LENGTE 17:20

Ziaziakchun, Lalpa chun Israel nam zosia chu a pumnol ta’n, amau haw chu sukgenthei ah um dingin, ama mit mu ah kipat a kithial daw suak masiau, amau sugentheite khut ah chun a pedok tai.

2 LENGTE 17:23

A suak jawlneite mang ah a la gen taksa gual in, Israel chu Lalpa‘n ama mit mu ah a chawn mang ah. Zia ziak tak ah chun Israel chu a gam ua kipat in Assuria lam ah pui mang in, tu’ni tiang hin a um zing tau ahi.

2 LENGTE 23:27

Ahi’n la, Lalpa chun zia gual hin a gen a: “Israel ka bawdaw gual ah khan Judah le ka mit mu ngei ah kipat hun botdok ing ka tin; zia ka hun nol ding ka hi tai,” ti in.

ISAI 24:3

Lei chu suksiat dim dem leh, chomgam sik sek hung hi’n a; Lalpa‘n zia gual ah um ding chun a la gen ta’ngal a.

ISAI 27:10

Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 43:28

Ziaziakchun, mun thiangtho ah, miliante chu ka hun hi’buak ta’n, Jakob chu siatna tuak dingin ka pedok ta’n; Israel chule mite daichâkvai dingin ka pedok ta ahi.

JEREMIAH 13:19

Negeb ah khawpite chu, a hong ding mi umlo in, a kikhak suak tau a; Judai gam ah mi zosia, a leng un sal ah pui mang hita’n au.

JEREMIAH 20:4

Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 39:10

Sepai hotulian Nebuzaradan chun bangma nei lo, migenthei khen khat chu Judai gam in a nusia ah, grep huan ding leh a lou mun dingteu chule a pia’i.

JEREMIAH 39:9

Ziaphatchun, sepai hotu lian Nebuzaradan in khawpi sung ah mipi nutsia ah um zosia tawh, ama kiang zuante tawh, a la um nalai mipi zosia chu Babulon lam ah saltâng dingin a pui mang tai.

JEREMIAH 52:9

Lengpa chu a man tau a, Hamath gam ah Riblah mun ah Babulon Lengpa kiang in a pui to ua, a chung châng thu ding a gendaw piak tai.

EZEKIEL 33:28

Gam chu thawmhau tak ah nutsia hi’ntin, a kisuanpiu a hatnau chu hi’bei ing ka; Israel gam ah tângte chu nutsia hi’ntin, kuama chia ta pua’n au.

MIKAH 4:10

Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

DAN LEKHABU 28:36

La pu leh pateu ah kipat la la hetkhâk ngailo uh, la chung ua lal leh vaihawm dingte kiang ah chun Lalpa‘n hun pui intin, zia mun ah chun la het ngailo uh, thing leh suang ah kibawl pathiante na sêm in lau.

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.

DAN LEKHABU 4:26

Jordan lui gâl kâi ah, la hun luana ding gam ua kipat hi’mangthai ah um ding la hiu ti ei hiatpitu hi dingin lei leh van ka ko ahi; chêng sawt pua’n la tiu in, mangthai sik sek ding la hiu.