JEREMIAH 52:15 - PATHIAN LEKHABU THIANGTHO (BSI)

¹⁵ Vêngtu lak ah hotulian Nebuzaradan chun, mipi lak ah thu genthei deute leh khawpi sung ah nutsia ah umte; chuleh, a jam mang lak ah Babulon Lengpa khut ah kipelut zosia tawh, khut nasep thiam um nalaisunte chu tawh a leng un sal in a pui mang suak tai.

JEREMIAH 52:15 ပူးပေါင်းရင်းမြစ်များ

2 LENGTE 25:11

Ahi’n, zia khawpi mi a nutsia sunteu tawh, a jamjakna lam ua thi kha lo ah Babulon Lengpa â dingah a la kipethei zosia tawh, mipi vantangte lak ah a thibang sunte chu Lengpa vêng ah pang sepai hotu Nebuzaradan chun sal in a pui mang tai.

2 LENGTE 25:8

Chun, a tha nga’na, ni sagi’na chun, zia chu Babulon Lengpa Nebukadnezar a lal kum sawm leh kua’na a ti’n in, zia kum ma chun Babulon Lengpa vêng ah pang sepaite hotu, Nebuzaradan chu Jerusalem lam in a hung a;

JEREMIAH 1:3

Chuleh, Judai gam ah Lengpa Josiah chapa Jehoiakim lal hun sung leh, Judai gam ah Lengpa Josiah chapa Zedekiah lal kum sawm leh khatna, a tha nga’na Jerusalem salmat ah a pûk ni tiang ah khan a kiang in Lalpa‘n thu a hun gen nalai hi.

JEREMIAH 39:9

Ziaphatchun, sepai hotu lian Nebuzaradan in khawpi sung ah mipi nutsia ah um zosia tawh, ama kiang zuante tawh, a la um nalai mipi zosia chu Babulon lam ah saltâng dingin a pui mang tai.

EZEKIEL 12:11

Nang uh â ding ah tepte’na ka hi: Ka bawl gual gual hin a chung un bawl hi’ntin; suak leh sal ding ah chia in au,” ti’n gen in.

ZEKARIAH 14:2

Jerusalem do dingin khawvel ah nam zosia ko khawm ding ka hi’ngâl a; tichun, khawpi chu lâk hi’ntin, mite chule luaknâm hi’n tiu in, numeite chu pawng sual in um ta’n au; khawpi sung ah mihing a kimkhat chu sal ah pui mang hi’ntin, a dang cheng chu khawpi ah kipat in sukmangthai hipua’n au.