JEREMIAH 52:14 - PATHIAN LEKHABU THIANGTHO (BSI)

¹⁴ Kaldai sepaite zosia, lengpa vêngte lak ah hotulian kiang ah um zosia chun, Jerusalem kulbâng chu a suchim dim dem tau a.

JEREMIAH 52:14 ပူးပေါင်းရင်းမြစ်များ

2 LENGTE 25:10

Ziaphatchun, Lengpa vêng ah pang sepai hotu lawi ah um, Kaldai sepaite haw chun Jerusalem kulbâng zosia chu a hun phejak tau a.

NEHEMIAH 1:3

Amau chun, “Saltâng lo ah suakcha, zia gam ah um nalaite chu haksa tak leh mualpho tak in a um un; Jerusalem kulbâng chu suksiat dim dem ahi’n, a kotpite chule hâl tum ahi tai,” ti’n ei dawnhuu a.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

KÂ LATE 2:6

A bawkchateu chu pal chim gual in a hi’chim ah; a biakbûk uh le a suksiat piak tai; Zion ah chun Lalpa‘n kût leh, sabbath nite ahi’bei in, a hachang thakna’n lal leh, thiampute a tun khum tai.

EZEKIEL 26:12

La hausaknau leh la neithil zosiau suam ta’n au; la kulpite phe jak intiu in, la In mêlpha takte chu hi’chim ta’n au. La suangte, thingte leh la leivuite chu, tui lak ah sep lut in au.

DANIAL 2:14

Ziaphatchun, Danial in Babulon mipilte that dingte lak ah hotu, Ariok kiang in chingthei tak leh pil tak in a dawnhu a;