JEREMIAH 52:12 - PATHIAN LEKHABU THIANGTHO (BSI)

¹² Chun, Babulon Lengpa Nebukadrezar lal kum sawm leh kua’na, tha ngana, a ni sawm ni’ chun, Babulon lengpa vêngtute lak ah hotu lianpen Nebuzaradan chu Jerusalem khuan a lut a.

JEREMIAH 52:12 ပူးပေါင်းရင်းမြစ်များ

THILSIAM THU 37:36

Zia hun sung ah chun, Midiante’n Joseph chu Aigupta gam ah Pharaoh nuai ah mivêng haw lawi lak ah hotu pakhat, Potiphar kiang in a zuak tau hi.

2 LENGTE 24:12

Ziaphatchun, Judai gam ah Lengpa Jehoiakhin chu, Babulon Lengpa kiang ah chun, ama tawh, a nu tawh, a suakte tawh, a khawnbawlte tawh, a vaihawmna, kum giat a ti’n kum ah chun Jehoiakhin chu a pui mang tai.

2 LENGTE 25:8

Chun, a tha nga’na, ni sagi’na chun, zia chu Babulon Lengpa Nebukadnezar a lal kum sawm leh kua’na a ti’n in, zia kum ma chun Babulon Lengpa vêng ah pang sepaite hotu, Nebuzaradan chu Jerusalem lam in a hung a;

EZRA 5:12

Himaleh, ka pu leh ka pateu in van Pathian a la suklungnat ziak un, Kaldai mi, Babulon Lengpa Nebukadnezar khut in a la pedok in, ama chun zia In hi susia’n, a gam mipite hile Babulon lam in a la pawmang ta’n.

NEHEMIAH 2:3

Lengpa kiang ah chun, “Lengpa, damsawt in! Ka pu leh pate thân umna khawpi sukchimit leh, a khawpi kul kotkhakte hâl tum ah um ta mai chu bang ding ah lungngai mêlpu lo thei ding ka hem?” ti’n ka dawnhu tai.

SAM 79:1

Aw Pathian, namdangte la gam sim in a hung un; la tempul thiangtho a hi’buak tau in; Jerusalem chu a hichim zo tau hi.

JEREMIAH 1:3

Chuleh, Judai gam ah Lengpa Josiah chapa Jehoiakim lal hun sung leh, Judai gam ah Lengpa Josiah chapa Zedekiah lal kum sawm leh khatna, a tha nga’na Jerusalem salmat ah a pûk ni tiang ah khan a kiang in Lalpa‘n thu a hun gen nalai hi.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 39:11

Babulon Lengpa Nebukadrezar in sepai hotu lian Nebuzaradan kiang in, Jeremiah chungchâng in zia gual hin thu a pia’n:

JEREMIAH 39:9

Ziaphatchun, sepai hotu lian Nebuzaradan in khawpi sung ah mipi nutsia ah um zosia tawh, ama kiang zuante tawh, a la um nalai mipi zosia chu Babulon lam ah saltâng dingin a pui mang tai.

JEREMIAH 52:14

Kaldai sepaite zosia, lengpa vêngte lak ah hotulian kiang ah um zosia chun, Jerusalem kulbâng chu a suchim dim dem tau a.

JEREMIAH 52:29

Nebukadrezar lal kum sawm leh giatna chun, Jerusalem khua kipat in mihing za giat sawmthum leh ni a pui mang a;

DANIAL 1:1

Judai gam ah Lengpa Jehoiakim a lal kum thumna chun, Babulon Lengpa Nebukadnezar in Jerusalem a hung sim a.

DANIAL 2:14

Ziaphatchun, Danial in Babulon mipilte that dingte lak ah hotu, Ariok kiang in chingthei tak leh pil tak in a dawnhu a;

ZEKARIAH 8:19

Sepai honte Lalpa‘n zia gual hin a gen hi: “Judah Inkuan ah mite â dingin, tha li’na anngawlna, tha nga’na anngawlna leh tha sagi’na anngawlna leh tha sawmna anngawlna nikhuate hi, kipakna leh limna, Judah Inkuante’n kipak tâng gual chiat ah a mat dingteu chu ahi; ziaziakchun, dikna leh kichamna chu thangai tau in”.