JEREMIAH 51:6 - PATHIAN LEKHABU THIANGTHO (BSI)

⁶ La hinna ding chiat uh kingaituau inla, Babulon khua sung ah kipat in jamdok kin un! Lalpa phuba lâk hun a hiziak in, a gitlonau ziakin nanghaw mangthai khawm kiu in; amau bawldan tawh kigûn in a thukna a piai.

JEREMIAH 51:6 ပူးပေါင်းရင်းမြစ်များ

SAM 94:1

Aw Lalpa, nang phuba la Pathian, nangma phuba latu Pathian, hung vâkdok ta’n!

THUPILTE 13:20

Mipil tawh kivop chu pil intin; miphalote lawi pawlna chun vangsiatna a tun sek hi.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 63:4

Ka lungchang in phuba lâkna ni ding chu a gêl ten ah; chuleh, ka tatdawna kum chule a hung tung tai.

JEREMIAH 25:14

Nam tam tak ah leng lopi tak tak te chun amau chu a suak ding un kisiam ta’n au; tichun, amau sep ga, a khut ua a sep uh tawh kiphutawk in a chung un thuk kit ta’ng ka.

JEREMIAH 25:16

A lak un chemjam ka sawl piak ding ziakin, zia uain chu dawn kham in, hoi dong dong intiu in, a lungthim uh mansua ta’n au, a ti’n.

JEREMIAH 27:7

Ama lenggam a pûk hun a tun masang sia, nam zosia’n ama leh a chapa leh a tupa na sep piak in au; ziazaw chuleh vang, nam tam tak leh leng lopi takte chun suak in mang ta’n au.

JEREMIAH 46:10

Zia ni chu Lalpa Sepai honte Pathian ni guat chu ahi, phuba lâk ni ahi’n, a mêlmate a soisak ni chu ahi. A chemjam in that gam intin, a du-khop tak in a thisan uh dawn ta’n a. Mal gam ah Euphrates lui pang ah, Sepai honte Lalpa Pathian in, kithoina a siam ta’ngâl a.

JEREMIAH 48:6

Jam un! La hinna ding uh kihawl chiat un! Gamkeu ah gamsabiltung gual in tai un!

JEREMIAH 50:15

Kiltin ah kipat ama do-na’n kiko unla, “A kipedok tai; a kulpite chu a chim ta’n, a kulbângte chun tual a jep tai,” tiu in. A chung ah Lalpa phuba lâk ni a hiziak in, a chung ah phuba lâu inla, la chung ua a hun bawl gual gual in, a chung ah le bawl thuk tau in.

JEREMIAH 50:28

Ngai un! Lalpa I Pathian un Tempul chung thu ah a phuba lâkna thu, Zion ah taklang dingin Babulon gam ah kipat in gâljam leh vâkvaite chu a hung ui.

JEREMIAH 50:31

Aw kiletsakpa, ka hun do la hi, Lalpa, Sepai honte Pathian chun a tii; ka hun gawtna ding hun, a ni chu a hung tung ta’ngâl a.

JEREMIAH 50:8

Babulon ah kipat taidok unla, Kaldaite gam ah kipat tai mang un la, kêl hon lak ah a chal a malat gual in, a taidok tau in.

JEREMIAH 51:11

Thalchangte tât-hiam un! Thalchang a bawm ah thundim un!

JEREMIAH 51:36

Ziaziakchun, Lalpa‘n zia gual hin a gen a: Nangma hun panpi ing ka tin, la phuba chu hun la ding ka hi. A tuipi hikang ing ka tin, a tuinâk keugawpsak ing ka;

JEREMIAH 51:45

Ka mipite haw, a sung ah kipat hung pawtdok un! Lalpa lungnatna huaisia tak lak ah kipat, mitin in la bitna ding chiat uh kihawl tau in!

JEREMIAH 51:50

Nanghaw, chemjam ah kipat suakchate haw, chiau inla, khawdâng kiu in! Gamla tak ah kipat in Lalpa chu hiau inla, Jerusalem chu ngaitua zing un:

JEREMIAH 51:56

Babulon chu do ding leh kilanpi dingin, hisetu chu a hung ta’ngâl a; a sepai hangsanteu chu mat in a um un, a thalpiteu chu khetbot piak a hi zo tau hi; Lalpa chu phuba la’pa Pathian a hiziak in, kim tak in hun dit kit in a.

JEREMIAH 51:9

Babulon chu sukdam ka guau a, maleh, sukdam kit thei ding dan a hita puai. Nusiau inla, mitin I gam lam chiat un chia kit mai tai tiu; ama thiamlona chung ah vaihawmna’n van a thawng in, van sûmte chan ah vawk to ahi tai.

KÂ LATE 3:64

Aw Lalpa, a thilbawl gûn uh, a khut ngei ua a bawl dungzui un, a chung un thuk in!

KISIMNA LEKHABU 16:26

Mipite kiang ah chun, “Zia mi gilote biakbûk ah kipat hin jamdok unla, a bang mau le khoikha ki’un; achutiloleh, a gitlonau lak ah mangthai khawm mai ding la hiu,” a tia.

DAN LEKHABU 32:25

Kotzing ah chemjam in, pindan sung ah dipdap na’n; nungak leh tangval, nawichep lai leh samkângtate, kibang tak in tun khum ta’n a.

DAN LEKHABU 32:41

ka chemjam hiam lek ing ka tin, ka khut in vaihawmna la’ng ka tin, ka mêlmate chung ah phuba a lâk tak leh, ei mudate chu thuk ta’ng ka.

DAN LEKHABU 32:43

Aw vante haw leh, a mipite leh, pathian zosiate haw ama chu ho tau in! Ama’n a chate thisan phuba la ding leh, a mêlmate chung ah phuba la dingin, ama mudate dit kit in, gam chu a mite â ding ah, sukthiantho kit ding ahi ngâl a”.

1 TIMOTHI 5:22

Kuama chung in la khut nga pai ziang kin la, midang gitlona ah le pang kin; kikoi thiangtho zing in.

THUPUAN 16:19

Tichun, khawpi lopi chu mun thum in a hung kikhen ah, namte khawpi chu a chim tai; chun, Pathian in Babulon khawlopi tatdan chu a hezing ah, a lungnatna uain hai chu a butthâk khum ta ahi.