JEREMIAH 51:56 - PATHIAN LEKHABU THIANGTHO (BSI)

⁵⁶ Babulon chu do ding leh kilanpi dingin, hisetu chu a hung ta’ngâl a; a sepai hangsanteu chu mat in a um un, a thalpiteu chu khetbot piak a hi zo tau hi; Lalpa chu phuba la’pa Pathian a hiziak in, kim tak in hun dit kit in a.

JEREMIAH 51:56 ပူးပေါင်းရင်းမြစ်များ

THILSIAM THU 49:24

Himaleh, ama thalpi chu khau tak in a um zing ah, a khutbânteu chu Jakob Pathian Mihat khut ah, Belam Chingpa Israel suangpi min in hi’hat in a um zing hen;

SAM 137:8

Aw Babulon chanu, nang susepa! Ka chung ua la bawl tawh kigûn ah, la chung ah hun thukpa chu mi nuamsa hi’n au!

SAM 37:15

a chemjam un amau lungchang ma ma sun intin, a thalpiu chule bong in a.

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

SAM 76:3

Zia tak ah chun thalchangte, phawte, chemjamte leh, kido’na matchâkte chu a susia tai.

ISAI 21:2

Thil tizat um tak hung tung ding chu ka kiang in a gen a; dawha thûk tak ah bawlpa chun dawha’n a hun bawl ah; thil hisepa chun a hun hise malam pek hi. Aw Elam, Chia to in! Aw Media, hung ûm chimit tau in; Babulon in a hilung ngaisak zosia hun hi’bei ding ka hi tai.

ISAI 34:8

Lalpa‘n phuba a lâk ni ding leh, Zion hukdawna ding ah thukna hun ding a guat ta’ngal a.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

JEREMIAH 49:35

sepai honte Lalpa chun zia gual hin a hun gen a: Elamte thalpi, a hatnau bulpi chu hibong ing ka tin;

JEREMIAH 50:10

Kaldai gam chu bulu hung hi’ntin, a bulu ah kuante chu niang ma ma in au, Lalpa‘n a tii.

JEREMIAH 50:36

Âisân thiamte do ah, mite ngolna ding chemjam chu! A sepaiteu that gam ding chemjam chu!

JEREMIAH 51:24

Zion chung ah a thil phalo bawl zosia ziakin, la mit mu ngei in, Babulon khawpi leh Kaldaite gam ah chêng zosiate chung in thuk ding ka hi, Lalpa‘n a tii.

JEREMIAH 51:30

Babulon sepai hangsante chun, a gâldo’nau haisan in, a kulpi sung un a kikulkhup zo tau hi; a pawsal phatnau a bei ta’n, numei gual bep a hung hi zo tau hi; a Insak teu chu mei in a kâng tum ta’n, a thîkjawlteu chule a bong zo tai.

JEREMIAH 51:48

Ziaphat chuleh, van lamte leh lei ah um zosia’n, Babulon pûkna kipakpi in kiko veng vung ta’n au; mallam ah kipat in amau susia dingte chu, hung kuan ding ahi ngâl un, Lalpa‘n a tii.

JEREMIAH 51:53

Babulon chu van chan ah kal sâng in, a kulbângte sâng tak in siamdet ma leh, ama susia dingte chu keima ah kipat in, a chung un tung ding ahi ngâl a, Lalpa‘n a tii.

JEREMIAH 51:6

La hinna ding chiat uh kingaituau inla, Babulon khua sung ah kipat in jamdok kin un! Lalpa phuba lâk hun a hiziak in, a gitlonau ziakin nanghaw mangthai khawm kiu in; amau bawldan tawh kigûn in a thukna a piai.

KÂ LATE 3:64

Aw Lalpa, a thilbawl gûn uh, a khut ngei ua a bawl dungzui un, a chung un thuk in!

EZEKIEL 39:3

la khut veilam ah kipat la thalpi jeptha’ng ka tin, la changlam khut ah la thalchangte kiakthâksak ing ka.

EZEKIEL 39:9

Ziaphat chuleh, Israel gam ah khawpi chêngte chun a gâlvanteu: awmphaw leh phawte, thalpi leh thalchangte, molzum leh cheichate chu chom khawm intiu in, kum sagi mei in tik ta’n au;

AMOS 2:15

thalpi chawite le pang thei diak lo in, mi chan-gangte le kihukdok diak pua’n’au, sakol chung ah chuangte le kihukdok thei pua’n au;

OBADIAH 1:15

Nam zosia chung ah Lalpa ni ding chu, a nai ta’ngal a. La bawldan tawh kigûn tak in, la chung ah bawl hi’n a; la thilbawlte chu la luchung ah, hung chu kît ding ahi.

HABAKKUK 2:8

Nam tam tak la suam gam tâk ziakin, nam dang a la um nalaite chun, hun suam thuk ding a hiu; mite thisan leh gam chung ah te, khawpi leh a sung ah chêngte, la pawngbawlna ziak ah khan.

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.

2 THESSALONITE 1:6

Nangmau hun sugentheite gim umna ah thukkit chu, Pathian in dik in a ngai ahi.

THUPUAN 17:16

Chuleh, a kî sawm la mute leh sahâng chun nawchizuaknu chu hun muda intiu in; bangma nei lo leh ngawnchang in koi intiu in; a sa ne’n, mei ah hâl tum ta’n au.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

1 SAMUEL 2:4

Mihatte thalpi hibot ahi’n, chaute tâi chu hatna gâk ahi.