JEREMIAH 51:51 - PATHIAN LEKHABU THIANGTHO (BSI)

⁵¹ Hosiatna ka thok ziak un, sukmualpho in ka um un, jachatna’n ka dim tau hi; Lalpa In ah mun thiangtho sung zosia’n, het ngai lo mite a hung lut tau hilam.

JEREMIAH 51:51 ပူးပေါင်းရင်းမြစ်များ

SAM 109:29

Ei do-te chu mualphona puan in kithuam tau hen la; maikhûna puan gual in mualphona chun tuam ta hen.

SAM 71:13

Ei hêksiate chu mualpho tak in sukmanthai hitau hen; ka siatna ding hawlte chun, mutawmna leh zachatna tuak tau hen.

SAM 79:1

Aw Pathian, namdangte la gam sim in a hung un; la tempul thiangtho a hi’buak tau in; Jerusalem chu a hichim zo tau hi.

SAM 79:12

Aw Lalpa, ka vêl ua mite’n, a hun gensiatnau hi, a chung un a le’sagi’n hun thuk in.

SAM 79:4

I hianghei mite gensiat in I um tau ah, I kiang nai tuam mite musit leh nuisan in I um tau hi.

SAM 89:46

Aw Lalpa, bang chan hiding a hem? kumkhua’n ei kisêl mangsan ding la hem? La lungnatna chule mei gual ah, bang chan kuang ding a hem?

ISAI 13:1

Amoz chapa Isai in Babulon chungchâng ah a thil mu lawk chu zia gual hi ahi:

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 21:1

Tuisuagiat ah gamthip Babulon siatna ding chungchâng ah thusuak chu: Negeb lam ah chîmpei hung hâng gual in gamkeu ah kipat in, siatna tizat um tak in a hung hi.

ISAI 47:1

Babulon chanu, nungak thiangtho, hung suk inla, leivui lak in hung chu’n! Kaldai chanu, lalchutpha hilo, lei tual ah kitung in! Mi nuamsa leh tino’ ti hi talo ding la hi’ngâl a!

JEREMIAH 14:3

Miliante’n tui khai dingin a suakteu a sawl un, tuikul a va tung un, tui a la kang ta’n; a tui bêl uh a ngawn in a hun le’puak kit tau hi. A zak uh a cha ta’n, lungdong tak in puan a kilukhu tau a;

JEREMIAH 25:26

mallam ah lengte zosia, a gamla leh a nai tuam, a ban ban in, chuleh, lei chung ah khawvel lenggam zosia ka dawnsak tai. Ziate zosia chun a dawn zaw phat uh leh, Sheshak lengpa’n hun dawn in a.

JEREMIAH 31:19

Ka vâkmang zaw phatin, ka kisik ta’ngâl a; mudaw ka hi’phatin, ka malpi ka bêng a; ka khanglai nunsiatna ka put zing ziakin, ka mualpho in, ka lungngai hi,” ti in

JEREMIAH 52:13

Lalpa In, lengpa In tawh Jerusalem khua sung ah In zosia tawh a hâl tum ah; miliante In zosia le a hâl tum khawm tai.

KÂ LATE 1:10

Mêlmate’n a go thil zosia chung in a khut uh a jak khum un; a mun thiangtho nam dangte, lut a phal lona mun chu nam dangte chun, a sim tau hi.

KÂ LATE 2:20

Aw Lalpa, hun en inla, ngaitua tia! Kuate chung ah zia gual hi bawl la hem? Numeite’n amau gil ah ga ngei, a nau awi laiteu sa chu, ne mai ding a hitau em? Thiampu leh jawlnei chu, Lalpa mun thiangtho ah, tha ah um ding a hiu em?

KÂ LATE 5:1

Aw Lalpa, ka thil tuakteu hi hezing inla, ka mualphonau hi ei hun etthâk piak ta’n!

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

EZEKIEL 36:30

Namdang zosia lak ah kialna ziak ah musit la hi tâklona ding un, thingga punsak ing ka tin, lou ah thâi piangte le punsak ing ka.

EZEKIEL 7:18

Saidip puan sil intiu in, dipchâkna’n dim ta’n au. Mi zosia zakcha’n tin, a luchang zosiau kol ta’n a.

EZEKIEL 9:7

Ziaphatchun, a kiang un, “Tempul chu a subuak un, mithiluangte chu a huang sung ah siakhawm un. Kipan un!” a hun tia. Tichun, a kipan tau a, khawpi sung ah mi a that pan tau a.

DANIAL 11:31

A sepai sawldokte chun tempul leh kul chu lua in, subuak in au. Nisi’n ah hâlmang kithoina chu subei in, hi’buakpa ki’dak um tak chu tungding ta’n a.

AMOS 7:9

Isak thoimualte chu nutsia hung hi’n tin, Israelte mun thiangthote chu suksiat hung hi’n tin, Jeroboam Inkuan lang dingin, chemjam tawh hung kuan ing ka,” a ti’n.

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

MIKAH 7:10

Ziaphat chuleh, ka mêlma: “Lalpa la Pathian chu khoi ah um a hem?” ei tite chun mu ta’n tin, mualpho ta’n a. A pukna chu ka mit in mu’n tin; tu’hin chu lam dung ah buanthuak gual ah, chotden in um ta’n a.