JEREMIAH 51:48 - PATHIAN LEKHABU THIANGTHO (BSI)

⁴⁸ Ziaphat chuleh, van lamte leh lei ah um zosia’n, Babulon pûkna kipakpi in kiko veng vung ta’n au; mallam ah kipat in amau susia dingte chu, hung kuan ding ahi ngâl un, Lalpa‘n a tii.

JEREMIAH 51:48 ပူးပေါင်းရင်းမြစ်များ

THUPILTE 11:10

Midik in vangphatna a don phat leh, khawpi sung ah mite a kipak sek un; mi nunsia a thi phat leh mite’n a awi-âm sek ui.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

JEREMIAH 50:3

Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 50:41

En un, mallam ah kipat in, mipite a hung suk ui; nam hat tak leh leng tam tak, leimun tawp lam ah kipat in, a hung kuandok ui.

JEREMIAH 50:9

Babulon gam hun sim dingin mallam ah kipat nam thupi takte chu, hun choktho ding ka hi’ngâl ah; a do dingin hung kigual intiu in, zia kipat chun lak zaw hita’n au. A thalchangteu chu gâlkap thiam tak, kap khial ngai lo gual chu ahi ngâl in.

JEREMIAH 51:56

Babulon chu do ding leh kilanpi dingin, hisetu chu a hung ta’ngâl a; a sepai hangsanteu chu mat in a um un, a thalpiteu chu khetbot piak a hi zo tau hi; Lalpa chu phuba la’pa Pathian a hiziak in, kim tak in hun dit kit in a.

EZEKIEL 35:14

Lalpa Pathian in zia gual hin a gen hi: Khawvel pumpi lim ah kipak ding khop in, nutsia ah hun umsak ding ka hi, ti’n a gen a.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.