JEREMIAH 51:47 - PATHIAN LEKHABU THIANGTHO (BSI)

⁴⁷ Babulon ah milimte ka gawtna hun ding chu, hung tung ngei ngei ding ahi; a gam pumpi chu mualpho intin, thalup ah umte chu a lak un kizam tek tuk in au.

JEREMIAH 51:47 ပူးပေါင်းရင်းမြစ်များ

ISAI 21:9

En tiam in, zia son sakol chung chuang sepaite a hung ui; a kop kop in sakol chung chuang gâldo mite, a hun ti’n, ama’n a hun dawnhu a. Gâlvêngpa ma ma chun: Babulon chu a pûk tai! A pûk tai! A sung ah a pathian lim zosia le, lei tual ah sêgawp in a um tai, a hun ti’n.

JEREMIAH 11:22

Sepai honte Lalpa chun zia gual hin a gen hi: Amau chu gawt ding ka hi; tangvalte chu chemjam ah thi’n tiu in, a chanuteu leh a chapateu chu kial thi in au;

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 23:34

Chun, jawlnei hi’n, thiampu hihen la mipi kua hitaleh, “Lalpa puaknat,” ti gen kha taphot chu, a genpa tawh a Inkuan un gawt ding ka hi.

JEREMIAH 25:12

Kum sawmsagi a ti’n zaw phat leh, Babulon lengpa tawh, zia nam leh Kaldaite gam chu a khawlona ziak un gawt ding ka hi; tichun, a gam uh chu suchavai dik dek ding ka hi, Lalpa‘n a tii.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 51:18

Matna bei leh kithepna mai ahi; a gawtna ding ni a tun phat leh, mangthai ngâl ta’n au.

JEREMIAH 51:24

Zion chung ah a thil phalo bawl zosia ziakin, la mit mu ngei in, Babulon khawpi leh Kaldaite gam ah chêng zosiate chung in thuk ding ka hi, Lalpa‘n a tii.

JEREMIAH 51:43

A khawpite haw chu tizat um a suak ta’n, gam gawchâk leh gamkeu, kuama chên tâk lona leh, mihing chotkhâk lona gamgil a suak tai.

JEREMIAH 51:52

Ziaziakchun, a milim zosiau ka gawt a, a gam pumpi miliante thûmna ding ni chu, hung tung pai ding ahi tai; Lalpa‘n a tii.