JEREMIAH 51:30 - PATHIAN LEKHABU THIANGTHO (BSI)

³⁰ Babulon sepai hangsante chun, a gâldo’nau haisan in, a kulpi sung un a kikulkhup zo tau hi; a pawsal phatnau a bei ta’n, numei gual bep a hung hi zo tau hi; a Insak teu chu mei in a kâng tum ta’n, a thîkjawlteu chule a bong zo tai.

JEREMIAH 51:30 ပူးပေါင်းရင်းမြစ်များ

SAM 107:16

Ama’n sum-eng kotkhakte chu a bawtsia’n, a kamna thiktawnte chu a hibong ta’ngal a.

SAM 147:13

Ama’n la kul kotkhak thikjawlte chu a hikhau piak a; la ângsung ah la chate chu a maljawl a.

SAM 76:5

A hangsante gâl lâk chu lâkpiak in a um un; i-mut duna’n a dim un, a sepaite lak ah pakhat inle, a khut uh a lek thei ta puau hi.

ISAI 19:16

Zia ni phat chuleh, Aigupta chu numei tawhbang bep hita’n tin, amau gawt ding ah sepai honte Lalpa‘n a khut a hun lap phat leh, lau in kithingse ta’n au.

ISAI 47:14

En in, amau bupawl gual bep a hiu, mei in a kâng tum ngâl hi. Mei thilhitheina lak ah kipat in, a kihukdok thei puau hi. Kihailumna ding meiâm um ta pua’n tin, mei awi dingle um ta pua’n a.

JEREMIAH 48:41

Khawpite chu lâk hi’ntin, kulpi dette chu lûdaw in um in a. Zia ni chuleh Moab sepai hangsante lungchang chu, numei naunei dingte lungchang gual in, lauthawng ta’n au.

JEREMIAH 50:15

Kiltin ah kipat ama do-na’n kiko unla, “A kipedok tai; a kulpite chu a chim ta’n, a kulbângte chun tual a jep tai,” tiu in. A chung ah Lalpa phuba lâk ni a hiziak in, a chung ah phuba lâu inla, la chung ua a hun bawl gual gual in, a chung ah le bawl thuk tau in.

JEREMIAH 51:32

Lui gâl kaimun a lua tau in, dawp lak zosia hâltum a hita’n, sepaite le a lauthawng zo tau hi.

JEREMIAH 51:57

A milian leh a mi pilteu, gam awpte, vaihawmte leh, a sepai hangsante natiang in dawn khamsak ding ka hi; lum den intiu in, khanglo kit ta pua’n au; Lengpa, a min Sepai honte Lalpa chun a ti ahi.

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

AMOS 1:5

Damaska kotpi thikte chu hi’bong ing ka tin, Aven phâizawl lua mite leh, Beth-lehem ah kipat in, laltiang chawipa chu sâttha ding ka hi; tichun, Aram mite chu Kir gam ah sal ah lût in’au, Lalpa‘n a tii.

NAHUM 3:13

La sepaite chu vak en tiam in; numei tawhbang bep a hitau. La mêlmate â dingin la gam lutna kotpite chu, lian tak in a kihong hi; la kotpi jawlte chu mei in, a kâng tum zo tai.

THUPUAN 18:10

Chun, amanu nat thokgimna ziak ah lau in gamla tak ah ding in: “Ahei! Ahei! Babulon khaw lopi, khawpi det chu la chung a gik hi, hundan kâl khat sung ah la chung ah, vaihawmna a tung ziang in,” ti’n au.