JEREMIAH 51:27 - PATHIAN LEKHABU THIANGTHO (BSI)

²⁷ Zia gam chu do dingin kipan unla, namtin lak ah pengkul mut un; ama do dingin namtin siam unla, ama do dingin Ararat, Minni leh Ashkenaz lenggamte hi ko un; ama do’na gâl mapui ding guat unla, khaubepi hon gual in sakolte chu hun pui khawm un.

JEREMIAH 51:27 ပူးပေါင်းရင်းမြစ်များ

THILSIAM THU 10:3

Gomer suante chu: Ashkenaz, Riphath leh Togarmah a hiu a.

THILSIAM THU 8:4

a tha sagi’na, ni sawm leh sagi ni chun Ararat tâng ah chun long chu a hung kinga tai.

2 LENGTE 19:37

Chuleh, a pathian Nisrokh biakna In ah a pathian ho ah a um lai in, a chapate Adramelekh tawh Sharezer chun chemjam in a vathat ua; zia phat ah chun, amau chu Ararat gam lam in a jam mang tau hi: tichun, a chapa Esarhadon chu ama thasâng ah vaihawm in a hung pang tai.

1 KHANGTHU 1:6

Gomer suante chu: Ashkenaz, Riphath leh Togarmah a hiu.

ISAI 18:3

Ngai un, nanghaw lei chung ah chêng zosiate haw, mualvum ah tepte’na diallap hung kikhâi ding chu en un! Pengkul a hung kimut phat leh a la ngai un!

ISAI 37:38

Chuleh, a pathian Nisrokh biakna In ah a pathian ho pet in, a chate Adrammalekh tawh Sharezer in chemjam in a that un; amau chu Ararat gam in a tai mang tau a. Ama chapa Eshar-haddon in a thasâng in vai a hawm tai.

JEREMIAH 25:14

Nam tam tak ah leng lopi tak tak te chun amau chu a suak ding un kisiam ta’n au; tichun, amau sep ga, a khut ua a sep uh tawh kiphutawk in a chung un thuk kit ta’ng ka.

JEREMIAH 46:23

A gam mang uh vâk lut theilona khop chu, hun vât nâm ding a hiu, Lalpa‘n a tii; amau chu khaubepi sâng ah tam zaw a hiziak un, simsên ding gual a hipuau hi.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 50:3

Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 50:9

Babulon gam hun sim dingin mallam ah kipat nam thupi takte chu, hun choktho ding ka hi’ngâl ah; a do dingin hung kigual intiu in, zia kipat chun lak zaw hita’n au. A thalchangteu chu gâlkap thiam tak, kap khial ngai lo gual chu ahi ngâl in.

JEREMIAH 51:12

Babulon kulbângte do dingin kipan un; gâlvêngtute hihat un; gâl chângpang dingte le koi unla, gâl chânggu dingle koi tau in; Babulon ah mite chungchâng ah Lalpa‘n a gen gual in, a guanggal in a bawl zo ta ahi.

JEREMIAH 51:14

Sepai honte Lalpa chu a kihaksial in: Khaubepi hon gual ah tam, sepai hon in hun lua dimsak tei ding ka hi, la chung ah a zaw’nau Hân La sa’n au, ti in.

JEREMIAH 51:28

Ama do dingin namtin, Media lengte leh a gam awpte leh, a nuai ua nasêm zosia tawh, a thuneinau gam zosia tawh guanggal un.

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

JOEL 3:9

Zia hi namte lak ah puang un: Kido dingin kisau in, galhatte chu chok tho un. Sepai zosia’n hun nai u hen la, hung to chiat uh hen.

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

ZEKARIAH 14:2

Jerusalem do dingin khawvel ah nam zosia ko khawm ding ka hi’ngâl a; tichun, khawpi chu lâk hi’ntin, mite chule luaknâm hi’n tiu in, numeite chu pawng sual in um ta’n au; khawpi sung ah mihing a kimkhat chu sal ah pui mang hi’ntin, a dang cheng chu khawpi ah kipat in sukmangthai hipua’n au.

VAIHAWMTE 6:5

Amau leh a gancha honteu tawh, a puanbûkteu tawh, khaubepi hon bang hial in a hung kuan to tau a; amau leh a sangawngsauteu chu simsên ding gual ahi puau ah; a gam susia ding mawng ah hung kuan a hiu a.