JEREMIAH 51:22 - PATHIAN LEKHABU THIANGTHO (BSI)

²² numei hi’n, pawsal hileh, khetjakna’n ka hun mang a; têksia leh naupangte, khetjakna’n ka hun mang a; nungak leh tangvalte, khetjakna’n ka hun mang a;

JEREMIAH 51:22 ပူးပေါင်းရင်းမြစ်များ

2 KHANGTHU 36:17

Ziaziakchun, Kaldai lengte chu a puilût ah, amau chun a mun thiangtho ah chun a tangvalteu chu chemjam in a sat lum tau ah; tichun, tangval hi’n nungak hileu, teksia tawi zo talote hi ziangleu le, lainatna pang lo in a hun soisa tau hi; amau chu a leng un a khut ua a piak daw suak ahi tai.

ISAI 13:15

Mai phâk ah um taphot chu sutthil hi’n tiu in, mat ah um taphot chu chemjam ah thalup hi’ngal in au.

ISAI 13:16

A mit muu in a chasenteu khet tel hi’n tiu in, a In uh chomnâm hi’ntin, a jiteu tatsiatpi hita’n au.

ISAI 13:18

A thalpiu chun tangvalte that intin, gil ah gate chung in lainatna nei pua’n tiu in, naupang daidawpna le nei diak pua’n au.

ISAI 20:4

Assuria lengpa’n, Aigupta mite chu suangkul ngak ding ah man in, Ethiopia mite chu sal in pui ta’n tiu in, a têk a khang, nîk leh puan bei leh kengtawdap bei in, Aiguptate sukmualphona dingin pui in a.

JEREMIAH 44:7

Tu’hin chu, sepai honte Lalpa Pathian, Israelte Pathian chun zia gual hin a gen hi: Bang ding ah numei, pawsal, naupang leh nausen kidang lo ah Judai gam ah paithâk ah um ding leh a them a nênle nutsia ah umlo ding khop ah la chung ua zia gual thil phalo tak hi kibawl ahi tam?

JEREMIAH 50:37

A sakol leh kângtalaiteu leh, a lak ua nam dang sepai umte, numei sua ding ah do ding chemjam! A go thilteu do ah suam ding chemjam chu!

JEREMIAH 51:23

belampu leh a belam hon, khetjakna’n ka hun mang a; lou kaipa leh a lou kaina ganchate, khetjakna’n ka hun mang a; gam awppa leh a sia’mângte, khetjakna’n ka hun mang hi.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

KÂ LATE 2:11

Ka kâ na’n ka mitthi tui a kang hial tai; ka bupi le a kichok a; ka mite hi’siat a hiziak un, nausente leh naupangte chu, kotzing tin ah thidang ah a um zo tâk ziak un, ka thinkha nasan lei tual ah butthâk in a um tai.

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.

EZEKIEL 9:6

A têk, a khang, numei leh naupang, a leng un that gam unla, tepte’na nei cheng vang khoikha kiu in. Ka mun thiangtho ah chun that pan un,” a hun ti’n. Tichun, tempul In mai tual ah upa vaihawmte lak in a hun that pan tau a.

DAN LEKHABU 32:25

Kotzing ah chemjam in, pindan sung ah dipdap na’n; nungak leh tangval, nawichep lai leh samkângtate, kibang tak in tun khum ta’n a.

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.