JEREMIAH 51:18 - PATHIAN LEKHABU THIANGTHO (BSI)

¹⁸ Matna bei leh kithepna mai ahi; a gawtna ding ni a tun phat leh, mangthai ngâl ta’n au.

JEREMIAH 51:18 ပူးပေါင်းရင်းမြစ်များ

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

ISAI 2:18

Milim zosia hisiat dim dem in hung um ta’n a.

ISAI 46:1

Bêl chu a kûntha’n, Nebo chu a chutha suk ta’n; a milimteu chu gancha leh gan honte’n a puau a; zia la thil lim puak tawl tawlteu kha, gancha’n gim tak ah a puak ding bep uh, a hung hi zo tau hi.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

JEREMIAH 10:11

Zia gual chun a kiang un la gen ding ahi. Lei leh van siamtu hilo pathian zosia chu, lei chung leh van chung ah khin hi’mangthai sik sek hung hi’n au.

JEREMIAH 10:14

Mi tin chu mimawl leh hetna bei a hiu; sana sêkte chule a milim siamteu ziakin, sukmualpho in a um tau hi; a milim siam uh chu hinna nei lo, kithepna ngen ahi ngal a.

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 46:25

Sepai honte Lalpa, Israelte Pathian in, “Ngai in, Thebes-te pathian, Amon tawh Pharaoh; chuleh, Aigupta mipite leh a pathianteu, a lengteu leh Pharaoh leh ama muang zosia chu hun gawt ding ka hi.

JEREMIAH 48:7

La kulpite leh la hausakna la kisuanpi ziakin, matheilo in mat ah um ding la hi; Khemosh pathian chu a nasêm thiampute tawh, a suakte tawh pum in, sal ah pui mang in um in au.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

EZEKIEL 6:6

La mâichâm uh suksiat leh chomnâm a hiu ah, la milimteu khet buang leh khet gawp a hiu ah, la gimtui khuamteu sat bot a hiu ah, la khut nasep zosiau phiatnâm a hitheina dingin, la chênnau mun taphot ah la khawpiteu a hawm ah nutsia hi’ntin, la thoimualteu chule suksiat dik dek hita’n a.

JONAH 2:8

Milim manthei lo ho te chun, a ginumnau a kilepsan zo tau hi.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.