JEREMIAH 51:16 - PATHIAN LEKHABU THIANGTHO (BSI)

¹⁶ A aw a sua phat leh van ah tuite, a chiak bul bul un; kawlmong ah kipat phâisum a chiatosak hi. Gaw zukna dingin kawl a phet sak ah, a thil koikhawmna kipat in, hui a hun nunsak sek hi.

JEREMIAH 51:16 ပူးပေါင်းရင်းမြစ်များ

THILSIAM THU 8:1

Pathian in Noah leh long sung ah a kiang ah ganhing zosia leh gancha um zosiate chu a hezing ah. Tichun, Pathian in lei chung lam ah hin hui a nunsak ah; chun, tui chu a hung kiam pan ta’n;

JOB LEKHABU 37:13

Sukdikna ding a hem, a gam phatna ding a hem leh, a ja’ngaina ziak a hem ah a hun umsak ahi.

JOB LEKHABU 38:22

Vûk khol khawmna In ah lut in, gial khol khawmna Inte ah chun, la vâklut kha ta a hem?

JOB LEKHABU 40:9

Pathian gual ah khutbân nei ah, van-git gual in aw sua thei ding la hem?

SAM 104:7

La vau leh a jam mang un; la van-gi ziakin a tai mang ui.

SAM 135:7

Ama’n kawlmong ah kipat in sûmte a chiatosak sek in; kawlphete gua â dingin a siam in, a koikhawmna mun ah kipat in, hui a hun nun dawsak sek hi.

SAM 147:18

Thu a pia hen, vûk chu a tuitha tai; a huizang a hânsak ah, tuite chu a luansak hi.

SAM 18:13

Lalpa chule vante ah khin a thûm zung zung a, Chungnung Penpa chun a aw a sua tai.

SAM 46:6

Namtin a lungnau ah, lenggamte le a kilîng ah; a aw a sua leh leilung a tuitha zo tai.

SAM 68:33

Aw vante, kumtuang van chung ah chuangpa, a aw chu ngai un! Ama’n hatna dim a aw chu a hun sua tai!

SAM 78:26

Sualam hui a hânsak ah, a thilhitheina’n simlam hui chu a hun pui tai;

PAWTDAWNA THU 10:13

Tichun, Mosi’n a tiangkhut chu Aigupta gam chung ah a jakdok tai; Lalpa’n zia ni sun nitum leh jan khawvak in zia gam zosia ah chun sualam thigua a hânsak ah; chuleh, jingkal a hung hi’phatin, sualam thigua chun khaubepi a hun tok lut tai.

PAWTDAWNA THU 10:19

Chuleh, Lalpa’n tumlam hui hat tak a hun hânsak ah, khaubepite chu a hun tok mang ah, Tuipi San ah chun a tok lut sik sek tai; tichun, Aigupta gam sung pumpi ah chun khaubepi pakhat chale a um ta puai.

PAWTDAWNA THU 14:21

Ziaphatchun, Mosi’n a khut Tuipi chung in a vak jak ah. Lalpa’n jankhua’n sualam hui hat tak a hân sak ah, Tuipi chu a le’luansak ah; Tuipi chu lei hul a suaksak ah; chun, tuite chu a kikhensak tai.

EZEKIEL 10:5

Cherubte thajap git chu a huang pawnung zaw tiang in a hetthei ah, a pau gitle Bangkim Hi’thei Pathian aw a bang hi.

AMOS 9:7

Aw Israel mite, Kei â ding ah Ethiopiate gual tho hilo la hiu em? Lalpa‘n a tii. Aigupta gam ah kipat Israelte, Kaphtor ah kipat Philistinte leh, Kir ah kipat in Aram mite ka puidok pua a hem?

JONAH 1:4

Himaleh, Lalpa‘n thigawpi nasa tak tuisuagiat chung in a hânsak ta’n; tuisuagiat chung ah chun thigawpi nasa tak a hung hân ta ziak in, long chu sia ding a kisa ziang tai.

JONAH 4:8

Nisa a hung suak phatin, Pathian in sualam hui lum tak a guanggal ah, nisa chun Jonah chu thidang hial in a luchang a hun khaw ta’n; thi’ mai ding chu a don tai: “Kei â dingin hin sâng in thi’ a phazaw tai” a tia.