JEREMIAH 51:15 - PATHIAN LEKHABU THIANGTHO (BSI)

¹⁵ A thilhitheina Lei siam ah, a pilna khawvel tungding ah, a lemhiatna vante kaimalpa chu ahi.

JEREMIAH 51:15 ပူးပေါင်းရင်းမြစ်များ

JOB LEKHABU 9:8

ama bep in vante a kaimal ah, tuisuagiat ah dragon chu a chuan den ah;

SAM 104:2

khawvak hi puan gual ah kithuamna’n la mang hi. Puanbûk gual in vante la kaipal in,

SAM 104:24

Aw Lalpa, la thilbawlte a tam na lawm lawm e! Pilna ah la siam sik sek ahi’n; leilung hi la thilsiam in a lua dim tai.

SAM 107:25

Ama’n thu a pia’n, thigawpi nasa tak in a hân sak a; zia chun tui kinawk sâng takte a umsak ngal a.

SAM 136:5

hetna ah vante siampa kiang ngei ah chun, a ngilneina chu kumkhua’n um ding ahi ngal a;

THUPILTE 3:19

Lalpa‘n pilna’n leilung a din ah, hetthiamna’n vante khi a hi’det ah;

ISAI 40:22

Leilung huap phâk khêl lam ah, lal chutpha sâng tak in a kichu hen, a mipite chu khauphak hon a bang ui. Puanjak gual in vânte khi a kaipal in, chênna ding puanbûk gual in a kaimal hi.

ISAI 40:26

La mit uh te sâng unla, en tiam un; zia zosia chu kua siam a hem? Amau siampa chun aksi honte a mal mal in a tiam ah, a min chiat un a ko hi; a hat ma ma ziak leh, a thilhitheina chungnun ziakin, pakhat chale a hi’khial puai.

ISAI 42:5

Lalpa Pathian, vante siam ah kaipalpa, lei jak pal ah a sung ah um zosia umsakpa, a chung ah chêng mipi zosia hinna pepa leh, a sung ah chia lumlet zosiate thagau pepa chu:

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:12

Lei pumpi leh a sung ah mihingte hile ka siam ahi; keima khut ma ma’n vante khi ka jak pal a, a sung ah um zosia le ka thu um chiat a hiu.

ISAI 48:13

Ka khut hin lei kingakna suangphûm chu ka la lem in, ka khut changlam hin vante khi ka la kaimal tai; amau chu ka vak ko si’n leh, ja tak in a hung ding sek ui.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

JEREMIAH 27:5

Ka thilhitheina nasa tak leh, ka khutbân jak in lei tawh a sung ah mihing hileh, sa chitinte hi ka la siam a; piak ding ah kilawm ka sakte kiang ah chun ka piak mai ahi.

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

ZEKARIAH 12:1

Israel chung thu ah Lalpa kamsuak chu: Lalpa, vanthamjawl lian tak phaljakpa leh, leilung kingakna siampa leh mihing sunggil ah thagau siampiakpa ngei chun zia gual hin a gen hi:

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

NASEPTE 17:24

Zia Pathian chu khawvel Siampa leh a sung ah um zosia Siampa, lei leh van Lalpa, tempul khut ah kisate ah hin a chêng pua’n;

ROMTE 1:20

Khawvel siamtil ah kipat ama kumtuang thilhitheina leh, a van hin dan, mit ah mu theilo chu, a thilsiamte ah kipat chun hiat thiam leh mu in a hung um tai; kuama’n suanlam a nei theilona ding un.

ROMTE 11:33

Pathian pilna leh hetna leh hau zia chu a thûkna lawm lawm e! A vaihawmnate chu hiat thei gual leh, a lampite chu sui thei gual a hi paw na e!

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.