JEREMIAH 51:13 - PATHIAN LEKHABU THIANGTHO (BSI)

¹³ Nanghaw, tui tam tak lak ah chêng ah, go thil ah hausa ma ma, la hinnau gui a ta’n tâk ziakin, la tawpnau chu a tung tai.

JEREMIAH 51:13 ပူးပေါင်းရင်းမြစ်များ

THILSIAM THU 6:13

Pathian in Noah kiang in, “Taksa zosia subei ding ka hi tai, amau haw ziakin lei chung hi kipawngbawlna’n a dim ah; ziate ziak ah chun, a leisiat natiang hile susia khawm ding ka hi.

SAM 137:1

Babulon lui gei ah kichu’n, Zion I ngaitua phat si’n uh leh I kap sek un.

ISAI 43:14

Lalpa, nanghaw Tandokpa, Israel Mithiangtho chun: Nangmau ziakin Babulon ah mi sawl ing ka tin, a khawpi kul zosiau hisia’n, Kaldaite limna husa chu Kâ La’n theng ding ka hi.

ISAI 45:3

Keima hi Lalpa, la min ah hun kopa, Israelte Pathian chu ka hi ti la hettheina dingin, thim lak ah go thil kisêlgute leh, a gûk ah go thil kisêlgute chu, hun pia ding ka hi.

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

JEREMIAH 17:11

Diklo tak ah hausakna kholkhawmte chu, vavêng ama tui hilo opkeu gual a hiu ah; a khangdawng lai un ama chu nusia intiu in, a tawp phat leh a ngolnau kilang ta’n a.

JEREMIAH 50:27

A bawngchal zosiau that unla, sa thatte kiang ah piau in. A chung uh a gik na e, amau gawtna hun, a ni ding ua tiam chu a tung tai!

JEREMIAH 50:31

Aw kiletsakpa, ka hun do la hi, Lalpa, Sepai honte Pathian chun a tii; ka hun gawtna ding hun, a ni chu a hung tung ta’ngâl a.

JEREMIAH 50:37

A sakol leh kângtalaiteu leh, a lak ua nam dang sepai umte, numei sua ding ah do ding chemjam! A go thilteu do ah suam ding chemjam chu!

JEREMIAH 51:36

Ziaziakchun, Lalpa‘n zia gual hin a gen a: Nangma hun panpi ing ka tin, la phuba chu hun la ding ka hi. A tuipi hikang ing ka tin, a tuinâk keugawpsak ing ka;

KÂ LATE 4:18

I kotzing nasan un I nop nop ua, I vâk vêl theilona ding un, I kalsuan uh a chingsui un; I tawpna ding uh a nai tai; I hunteu hi tiam ahi; I tawpna ding uh a hung tung ta hilam.

DANIAL 5:26

A hilchianna chu zia gual hi ahi: MENE chu, Pathian in la lenggam khanggui ding a tiam chu a tung ta’n, a hitawp hun a tung tai;

AMOS 8:2

Ama’n, ka kiang in, “Amos, bang la mu em?” ei ti’n. Keima’n, “Nipi theiga bawm khat ka mui,” ka ti’n. Ziaphatchun, Lalpa‘n ka kiang in: Ka mipi Israelte chung in tawpna chu a tung tai; a chung ua gawtna tung ding chu, thul him him ta pua’ng ka.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

THUPUAN 17:1

Belbu pasagi chawi vansawlchâk pasagite lak ah pakhat chu a hung ah, ei hung ho a: “Zia lam hin hung in, tui tam tak chung ah kichu, numei kizuaknu chung ah vaihawmna lopi chu etsak ing ka;

THUPUAN 17:15

Chun, ama chun ka kiang in, “Nawchizuaknu chutna tui la mute chu mitinte, chitinte, namtinte leh pautinte chu a hiu a.

THUPUAN 18:19

Chun, a luchung un leivui a kibuak khum un, a kiko ua, kap leh mau kawm in: “A chung a gik hi, a chung a gik hi! Khawpi lopi, tuisuagiat ah Long nei zosia hausak khawlawna, hun dan kâl khat sung in ama chu, bangmalo a hita!