JEREMIAH 50:6 - PATHIAN LEKHABU THIANGTHO (BSI)

⁶ Ka mite chu belam mangtasa gual a hiu a; amau puitute chun tânggamte ah chun a pui mang zo tau in; mual leh tângte lak ah chia mang in, a huang uh a hemil zo tau hi.

JEREMIAH 50:6 ပူးပေါင်းရင်းမြစ်များ

SAM 116:7

Aw ka hinna, la cholna lam ah chun chia kit ta’n, Lalpa‘n la chung ah pha tak in a bawl ta ngal a.

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

SAM 23:2

Ama’n hampa hing dip dep munte ah ei kualsak sek ah; tui kiting dai hii hiai munte ah ei pui in;

SAM 32:7

Nang, ka kisêlgukna la hi’n; lungkhamna lak ah kipat ei hukdok in la tin; lei hukdawna ziak ah kipakna La te chu, ei ûm kîmvêlsak ding la hi. (Selah)

SAM 90:1

Lalpa, nang chu suan zosia tiang ah ka umnau la hi.

SAM 91:1

Nang Chungnung Penpa bitna mun ah chêng ah, Bangkim Hi’theipa lîm nuai ah um zingte chun,

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 30:15

Lalpa Pathian, Israel Mithiangtho chun, zia gual hin a gen ngal a: Hung kile’kit in chawldam leu chin, hukdam in um in la tiu in, thip hiat hiat in ei ging leu chin, hatna nei inla; ahi’n la, nang uh la nuam puau hi.

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

JEREMIAH 10:21

Belampute chu a ngong bel bul un, Lalpa a dong ngai puau a; ziaziakchun, a lamzang ngai puau a, a belam honteu le a taichek zo tau hi.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

JEREMIAH 23:1

Ka gantatna mun ah belamte that ah, naw jak bep belampute chu a chung uh a gik na e! Lalpa‘n a tii.

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

JEREMIAH 3:6

Lengpa Josiah lal lai in Lalpa‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

JEREMIAH 33:12

Sepai honte Lalpa‘n zia gual hin a gen hi: Zia khawpi mun, gammâng, mihingte leh ganchate um lo’na chun, belam honte â ding ah gam pha leh a chawldamna mun uh hung um kit ta’n a.

JEREMIAH 50:17

Israelte chu sakeibaknei in a delzui zing belam tawhbang a hiu hi. Assuria Lengpa’n a nêk zaw nung in, tu’hin Babulon Lengpa Nebukadrezar in a gu leh chângte chu a chêp tai.

JEREMIAH 50:19

Israelte chu a tatna mun un pui kit ing ka tin, Karmel leh Bashan ah ta kit in, Ephraim leh Gilead mualte ah chun vâ tak in ne ta’n au.

EZEKIEL 13:10

Muanna umlo in, “A gâl muang hi,” tia ka mipite a thep ziak uh leh, ka mipite’n kulbâng a sak lai un, zia jawlneite hin a la jikpawl tau in.

EZEKIEL 34:14

Gam phatna’n amau vâk ing ka tin, Israel mual sangte chu a tatna mun nuam uh hung hita’n a; zia mun ah chun hampa hing phatna mun ah kual ta’n tiu in, Israel mual sângte ah hampa hing phatnate chun kivâk ta’n au.

EZEKIEL 34:15

Keima’n ka belamte kichin ing ka tin, kicholdamsak hiat hiat ta’ng ka, Lalpa Pathian in a ti ta’ngal a.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

MATTHAI 10:6

Israel nam belam mangthaite kiang bep in vachiau in.

MATTHAI 15:24

Ama chun a kiang un, Israel nam lak ah belam mangte kiang bep ah sawl ka hi, ti’n a dawnhu a.

MATTHAI 9:36

Mipite chu a mu phât in, a ching ding umlo belam gual ah genthei leh chavai ah um chu a mu in a lainat ma ma a.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.