JEREMIAH 50:34 - PATHIAN LEKHABU THIANGTHO (BSI)

³⁴ Amau Tanpa chu vang a hat hi; a min chu Sepai honte Lalpa ahi. Khawvel gâlmuang tak ah a um ah, Babulon gam ah chêngte buai tak ah a umna ding un, amau chung thu ding chu vang khawksak in a.

JEREMIAH 50:34 ပူးပေါင်းရင်းမြစ်များ

2 KHANGTHU 6:39

a pauchapnau leh a dotnateu chu nang in la umna van ah kipat in a la ngaitha’n la, zaw’na pesek inla, la chung ah a la bawlkhial ta la mite chu ngaidam sek in.

JOB LEKHABU 19:25

Ei Tanpa chu a hing zing hi ti ka he’i, ama chu ni tawp ni leh, lei chung ah hin hung ding di ahi’n,

SAM 35:1

Lalpa, ei kilanpite chu nang in kilanpi inla, ei do-te chu nang in do ta’n.

SAM 43:1

Aw Pathian, nangma ngaisaklote kâl in, vai ei hawm piak in, ka dikna thu hi ei panpi inla; mi thep mang leh diklote lak ah kipat ei hukdok ta’n!

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

THUPILTE 22:23

Lalpa‘n amau chu genpi gêl gêl ding ahi ngal a; amau haw chomgam taphot chu, Lalpa‘n amau hinna le chomnâm ding ahi.

THUPILTE 23:11

amau hukdoktu chu hât tak ahi; nangma lang in hung pang ding ahi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 43:14

Lalpa, nanghaw Tandokpa, Israel Mithiangtho chun: Nangmau ziakin Babulon ah mi sawl ing ka tin, a khawpi kul zosiau hisia’n, Kaldaite limna husa chu Kâ La’n theng ding ka hi.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 47:4

Ei Tanpa, sepai honte Lalpa chu a min ahi’n, Israelte Mi Thiangthopa chu ahi.

ISAI 49:25

Himaleh, Lalpa‘n zia gual hin a gen hi: Mihat khut ah saltângte natiang ladok ing ka tin, lal gilo tak khut ah sal matte chule, tandok kit ding ka hi. Nangma hun do-te chu, keima’nle do ing ka tin, la chate chu hukdok ding ka hi’ngal a.

ISAI 51:22

Chungnung Penpa Lalpa, la Pathian, a mipite sik leh jal gen piak sekpa chun, zia gual hin a gen hi: En un, kithinna no chu, la khut ah kipat in ka lamang tai; ka lungnatna no ah kipat in, dawn kit ta pua’n la.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 15:21

Mi nunsiate khut ah kipat hun hukdok ing ka tin, khawksak beite mat phâk lo dingin, hun hukdok ding ka hi.

JEREMIAH 30:20

A chateu chu masang lai gual kha hi’n tiu in, chate kha pia kit ing ka tin, a mipiteu chu ka ma-âng ah um dingin siam ing ka tin, phudet ing ka; chuleh, amau tawden zosia chu, gawt ding ka hi.

JEREMIAH 31:11

Lalpa‘n Jakob chu a tandok ta’n, amau sâng ah hatzaw te khut ah kipat in, a hukdok tai.

JEREMIAH 31:35

Sûn salvâk ding ah nisa, jan â ding ah thapi leh aksite, um ding dan zosia guanggalpa; tuisuagiat chokphûl ah, a tui kinawkte gitsak zung zung pa, a min Sepai honte Lalpa chun, zia gual hin a gen hi:

JEREMIAH 32:18

Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

JEREMIAH 48:15

Moab gam leh a khawpi zosia susiapa chu, a hung kuan to in, a tangval doichuam diakte chu, thalup dingin a kuandok tau hi, Lengpa, a min sepai honte Lalpa chun a tii.

JEREMIAH 51:19

Jakob chanvo Lalpa chu vang, zia gual chu a hipua’n, thil zosia siamdokpa ahi’n; Israelte hi a gochan namte chu a hiu; sepai honte Lalpa chu a min ahi.

JEREMIAH 51:36

Ziaziakchun, Lalpa‘n zia gual hin a gen a: Nangma hun panpi ing ka tin, la phuba chu hun la ding ka hi. A tuipi hikang ing ka tin, a tuinâk keugawpsak ing ka;

KÂ LATE 3:58

Aw Lalpa, ka chung thu lei ngaitua piak ah, ka hinna la hukhing tai.

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

MIKAH 4:10

Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

MIKAH 7:9

Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

THUPUAN 18:8

Ziaziakchun, ni khat sung in a gawtna: thina leh lunggimna leh kialna tung intin; ama chu mei ah hâltum hi’n a; a chung ah vaihawm Lalpa Pathian chu a hât ngal a,” ti in.