JEREMIAH 50:3 - PATHIAN LEKHABU THIANGTHO (BSI)

³ Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 50:3 ပူးပေါင်းရင်းမြစ်များ

THILSIAM THU 6:7

Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

ISAI 41:25

Mallam ah mi khat ka choktho in, ama chu a hung ngâl in; ni sua’na lam ah kipat in ka min hun ko intin; bêlsêkpa’n lei buan a chil gual in, leng leh lalte chu hun chuanchil ding ahi.

ISAI 45:1

Lalpa chun a sathaunu’ Kuras, nam tinte tawden ah, leng leh lalte a lal puan uh lîp thâksak ding leh, a ma-âng ah kotkhakte a la hong dingin ka la guat ta’n;

JEREMIAH 21:6

Chuleh, zia khawpi sung ah chêng zosia, mi hileh, gancha hileh, gawt ing ka tin, hipi huaisia tak in thi sik sek ding la hiu.

JEREMIAH 50:9

Babulon gam hun sim dingin mallam ah kipat nam thupi takte chu, hun choktho ding ka hi’ngâl ah; a do dingin hung kigual intiu in, zia kipat chun lak zaw hita’n au. A thalchangteu chu gâlkap thiam tak, kap khial ngai lo gual chu ahi ngâl in.

JEREMIAH 51:11

Thalchangte tât-hiam un! Thalchang a bawm ah thundim un!

JEREMIAH 51:48

Ziaphat chuleh, van lamte leh lei ah um zosia’n, Babulon pûkna kipakpi in kiko veng vung ta’n au; mallam ah kipat in amau susia dingte chu, hung kuan ding ahi ngâl un, Lalpa‘n a tii.

JEREMIAH 51:62

ziaphat chuleh, ‘Aw Lalpa, nangma’n zia mun hi mihing leh gancha him him chên lona mun, kumkhua nutsia ah um ding ah la bawl mai ding tâk chu aw!’ la ti ding ahi.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

ZEPHANIAH 1:3

Mihing leh ganhing zosia, sumangthai ding ka hi; chunglêng vachate leh, tuisuagiat ah sangate tawh sumangthai ding ka hi. Mi nunsiate kipalsak ing ka tin, lei chung ah kipat in mihing cha sumangthai ding ka hi, Lalpa‘n a tii.