JEREMIAH 50:2 - PATHIAN LEKHABU THIANGTHO (BSI)

² Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 50:2 ပူးပေါင်းရင်းမြစ်များ

SAM 64:9

Mi zosia’n hun lau in, Pathian thil hun tunsak thute gensawn in, a thilbawlte chu ngaitua ta’n au.

SAM 96:3

Nam tin lak ah a lopi dan puang unla, mi zosia kiang in a thilmak bawlte chu, gensawn tau in.

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 13:2

Tângsâng tak chung ah diallap tâkdok unla, ngai tak in uau un; miliante kotpi a bulu theina ding un la khut un jap un.

ISAI 21:9

En tiam in, zia son sakol chung chuang sepaite a hung ui; a kop kop in sakol chung chuang gâldo mite, a hun ti’n, ama’n a hun dawnhu a. Gâlvêngpa ma ma chun: Babulon chu a pûk tai! A pûk tai! A sung ah a pathian lim zosia le, lei tual ah sêgawp in a um tai, a hun ti’n.

ISAI 37:19

chuleh, a pathianteu chule mei lak in a la se’lut piak zo tau ah, ziate chu pathian le chu a hipaw him un; mihing khutsuak, thing leh suang ah kisiam a hiziak un hisiat ah um him a hiu a.

ISAI 39:1

Zia hun lai ah chun, Babulon Lengpa Baladan chapa Merodakh-baladan in, Hezekiah damlo thu leh a damlona kipat a dam kitna thu a la het ziakin, a kiang ah lekhathot tawh thilpiak tam tak thot in palai a sawl a.

ISAI 46:1

Bêl chu a kûntha’n, Nebo chu a chutha suk ta’n; a milimteu chu gancha leh gan honte’n a puau a; zia la thil lim puak tawl tawlteu kha, gancha’n gim tak ah a puak ding bep uh, a hung hi zo tau hi.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 48:6

La he suak ta’n; tu’hin zia zosia hi en ah, puangdok lo ding la hi em? Tu’hun ah kipat hin zia thil thak, la la het khâk lo thil kisêlgute chu, hun hiatsak pan ding ka hi tai.

JEREMIAH 10:11

Zia gual chun a kiang un la gen ding ahi. Lei leh van siamtu hilo pathian zosia chu, lei chung leh van chung ah khin hi’mangthai sik sek hung hi’n au.

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 31:10

Aw, nam tinte haw, Lalpa thu hi a la ngai unla, gamla tak ah tuisuagiat pangjulte ah chun zia gual hin genjak un: “Israelte a la thejakpa ma ma chun, hun pui khawm kit ding ahi; belampu’n a belam honte a chintup gual in, chingtup zing ta’n a,” ti in.

JEREMIAH 4:16

Nam tinte kiang inle, “A hung tung tau,” ti’n hil unla, Jerusalem kiang in, “Hisia dingte chu gamla tak ah kipat in a hung un, Judai gam ah khawpi do’na thu’n a kiho ui.

JEREMIAH 4:6

Mallam ah kipat siatna hun tunsak ding ka hiziak in, Zion zotna lam hil unla, bitna ding hawl in tai unla, muang kiu in.

JEREMIAH 46:14

Aigupta gam ah vagenjak unla, Migdol, Memphis leh Tahpanhes khuate ah hin, vapuang jak tau in; a kiang un, “La panmun uh luau inla, kigingsa’n um un, la kîmvêl ua umte chu, chemjam in hun that gam ding ahi ngâl un,” tiu in.

JEREMIAH 50:46

Babulon pûkna husa chun khawvel kithing intin, a kâ thawm chu le namtin lak ah het hi’n a.

JEREMIAH 51:12

Babulon kulbângte do dingin kipan un; gâlvêngtute hihat un; gâl chângpang dingte le koi unla, gâl chânggu dingle koi tau in; Babulon ah mite chungchâng ah Lalpa‘n a gen gual in, a guanggal in a bawl zo ta ahi.

JEREMIAH 51:27

Zia gam chu do dingin kipan unla, namtin lak ah pengkul mut un; ama do dingin namtin siam unla, ama do dingin Ararat, Minni leh Ashkenaz lenggamte hi ko un; ama do’na gâl mapui ding guat unla, khaubepi hon gual in sakolte chu hun pui khawm un.

JEREMIAH 51:31

Babulon lengpa kiang in a khawpi hi, a mong langkhat ah kipat a mong langkhat lam tiang ah, mêlmate’n a lâk zawu ahi tai, ti thu gen ding thangko kiphamat jen in tai intiu in:

JEREMIAH 51:44

Babulonte pathian bêl chu gawt ing ka tin, a val zawsa chule a gawl ah kipat, mêkdok kit ding ka hi. Namtin a kiang ah luang khawm ta pua’n au; Babulon kulbâng chu a chim tai!

JEREMIAH 51:47

Babulon ah milimte ka gawtna hun ding chu, hung tung ngei ngei ding ahi; a gam pumpi chu mualpho intin, thalup ah umte chu a lak un kizam tek tuk in au.

JEREMIAH 51:52

Ziaziakchun, a milim zosiau ka gawt a, a gam pumpi miliante thûmna ding ni chu, hung tung pai ding ahi tai; Lalpa‘n a tii.

JEREMIAH 51:8

Thakhatpi’n Babulon chu a pûk in, a chimtha tai; ama chu sûn tau in! A dam kit thei khâk leh, a beliam damdawi ding hun choi piak un.

JEREMIAH 52:31

Judai gam ah Lengpa Jehoiakim saltânna kum sawm thum leh sagi’na, tha sawm leh ni’na, zia tha a ni sawmni leh nga tin ni chun, Babulon ah Evil-merodak in vai a hawm pat kum in, Judai gam ah Lengpa Jehoiakim chu doisakna nei in, suangkul ah kipat a thâdawk a;

JEREMIAH 6:18

Ziaziakchun, aw nam tinte haw, a chung un bang gual a hung tung em ti, aw mipite haw, a la ngai ma tiam un.

DANIAL 1:2

Lalpa chun Judai gam ah Lengpa Jehoiakim chu a khut in a pia, chuleh, Pathian In ah ûm leh bêl khenkhat a lâk piak chule a phal a. Zia go thilte chu Shinar gam in a paw tung ah, ûm leh bêlte chu a pathian In ah go thil koi khawmna chun a koi tai.

DANIAL 3:14

Nebukadnezar in a kiang un, “Aw Sadrak, Meshak leh Abednego, ka pathian na la sêm nuam puau in, ka sana milim siam le la ho nuam puau ti thu ka la het hi a dik em?

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

THUPUAN 18:2

Aw ngai tak in a hung kiko a: “Babulon khawlopi chu a chim tai! a chim tai! Thithate chênna leh thagau buak zosia kikhopna leh, vacha buak leh huat umte chênna, gamsa buak leh huat umte chênna a suak tai.