JEREMIAH 50:16 - PATHIAN LEKHABU THIANGTHO (BSI)

¹⁶ Babulon ah kipat in, buchi the’te chu naw mang unla, bu lâk hun ah kawite chawite le naw mang un; zaw’na chemjam lau in mitin, a chipiteu lam ah kile’kit in, a gam lam chiat uh zuan in jam ta’n au.

JEREMIAH 50:16 ပူးပေါင်းရင်းမြစ်များ

ISAI 13:14

Sapeng kidel thachawl tak gual leh, belam hon a ching umlo gual in, amau mite kiang lam chiat ah chia intiu in, a gam lam chiat uh del ta’n au.

JEREMIAH 25:38

Sakeibaknei gual in a kua a hun nusia ta’n, a chemjam huhamna leh a hachang thakna huaisia tak ziakin, a gam uh chu a sia zo tai.

JEREMIAH 46:16

La sepaite kipal pâi in a pûktha zo tau ah, pakhat in a dang khat kiang in, “Hung in, I piannau gam ah, I mipite lak lam ah chia kit tai tiu, mêlmate a hat ta luau hi,” a tiu a.

JEREMIAH 51:23

belampu leh a belam hon, khetjakna’n ka hun mang a; lou kaipa leh a lou kaina ganchate, khetjakna’n ka hun mang a; gam awppa leh a sia’mângte, khetjakna’n ka hun mang hi.

JEREMIAH 51:9

Babulon chu sukdam ka guau a, maleh, sukdam kit thei ding dan a hita puai. Nusiau inla, mitin I gam lam chiat un chia kit mai tai tiu; ama thiamlona chung ah vaihawmna’n van a thawng in, van sûmte chan ah vawk to ahi tai.

JOEL 1:11

Barli leh gehu bu a siat ziakin, lou bawl mite haw, beidong tau in; lou lai ah thâichi a siat gam tâk ziakin, nanghaw grep chîngte haw mau tau in.

AMOS 5:16

Ziaziakchun, sepai honte Pathian, Lalpa chun zia gual hin a gen hi: Khawlai zosia ah mauna um intin, lamlian zosia ah chun: “A khawk na e! A khawk na e!” ti’n’au. A sûn dingin lou bawlte leh, a kap dingin kâ La thiamte ko in’au;