JEREMIAH 50:11 - PATHIAN LEKHABU THIANGTHO (BSI)

¹¹ Aw, ka gochan bulu’te haw, kipak in lim maleu chinle, hampa selno lak ah bawngchal leh, sakol hat hâm gual in hâm malechin;

JEREMIAH 50:11 ပူးပေါင်းရင်းမြစ်များ

SAM 22:12

Bawngchal tam tak in ei ûm kîmvêl un, Bashan gam ah bawngchal hât takte chun, ei ûm kîmvêl dep dup ui;

THUPILTE 17:5

Michaga tawtbawlna mang chun amau siampa simmaw ahi’n; mi vangsiatna phaje sa chu gawt lo in suakcha pua’n a.

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

ISAI 47:8

Ziaziakchun, tu’hin ziate hi he ta’n, nang mi kinoptel leh bit kisa tak ah khawsa, la lungthim in: “Keima sâng ah lian kuama a um pua’n; meithâi gual in kichu pua’ng ka tin, ka chate le sûn pua’ng ka,” la ti’n.

JEREMIAH 12:14

Lalpa‘n zia gual hin a gen hi: Ka mi Israelte’n a luana ding ua ka piak, go ah a lua ding uh gam chu a la khoikha, a kîm leh vêl ah nam gilo zosia chu, a gam ua kipat in suandok ing ka tin, a lak ua Judah Inkuan ah mite zosia chule ladok ding ka hi.

JEREMIAH 46:20

Aigupta chu bawnglâ, mêlpha tak gual ahi’n, mallam ah kipat in a ne ding, sialchip in a hun baw hi.

JEREMIAH 46:21

A sepai hat gawiteu chule, a lak ua bawngchal thau tak a bang un; amaule pang ngam lo in, a kihei un, a tai mang zo tau hi; a siatna ding niu chu, a chung un a hung tung ta’n, amau gawtna hun chu ahi tai.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

JEREMIAH 5:8

Amau chu sakol pha tak ah kivâkvâ gual a hiu, midangte ji etlâ ziakin a hâm sek ui.

JEREMIAH 50:17

Israelte chu sakeibaknei in a delzui zing belam tawhbang a hiu hi. Assuria Lengpa’n a nêk zaw nung in, tu’hin Babulon Lengpa Nebukadrezar in a gu leh chângte chu a chêp tai.

JEREMIAH 50:27

A bawngchal zosiau that unla, sa thatte kiang ah piau in. A chung uh a gik na e, amau gawtna hun, a ni ding ua tiam chu a tung tai!

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

EZEKIEL 35:15

Israel Inkuante nutsia a hiu ah, a go thilteu ziak ah kipak ah la lim gual un, zia chu tawh kiphu tawk in hun gawt ding ka hi; Seir tâng leh Edom gam pumpi, a leng un nutsia in hung um ding la hiu. Ziaphat chuleh, Keima hi Lalpa ka hi ti hun he ta’n lau, ti in.

EZEKIEL 36:5

Lalpa Pathian in zia gual hin a gen hi: A gam phatna la etlel ziak ua ka gam suam ah nei den, kipak ma ma leh Edomte zosia dem in ka thangthîpna meikuang hial in ka gen ahi.

HOSEA 10:11

Ephraim chu bawnglâ lâk nguaisa, buchil thanuam tak chu a la hi’n, a ngawng hoi tak chu ka la hawi ta’n; tu’n Ephraim in lei let intin, Judah in lou kai in a; Jakob in ama â di’n lei kikhet nêl ngei in a.

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

OBADIAH 1:12

La suapipa vangsiat ni ah chun eulau kin la; Judah mipite’n siatna a tuak niu in, kipak diak kin; a buainau hun ah chun, kisathei tak in um kin.

HABAKKUK 1:15

Mêlma chun a leng un, ngakuai in a khaidok in, a lên in a huidok un, a lên lian un a huidok khawm ui; tichun, a lim in, a kipak ma ma hi.

ZEKARIAH 14:12

Jerusalem do’tu mipi zosia chung ah gawtna Lalpa‘n a tunsak dingte chu zia gual hi hi’n a: A keng ua a din zing lai un a taksau chu muat tha’n tin, a mitkhuk sung un a mitchang uh muat ngâl intin, a kam sung ua a lei uh chule muat tha ngâl ta’n a.

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.