JEREMIAH 50:10 - PATHIAN LEKHABU THIANGTHO (BSI)

¹⁰ Kaldai gam chu bulu hung hi’ntin, a bulu ah kuante chu niang ma ma in au, Lalpa‘n a tii.

JEREMIAH 50:10 ပူးပေါင်းရင်းမြစ်များ

ISAI 33:23

La long puanlap hênna khauhualte a kikol zo ta’n; puanlap chu a um ding gual tak in, a kaichak zo ta puai. Ziaphat chuleh, sal ah mat leh, gal lâk thilte tam tak tak in kihawm intin uh; kengbai nasan gâl lâk thil chomkhawm in pang in a.

ISAI 33:4

Lungmul an ne gual in gâl lâk a chom khawm un; khaubepi chawm gual in, gâl lâkte lak in a chawm sau sau ui.

ISAI 45:3

Keima hi Lalpa, la min ah hun kopa, Israelte Pathian chu ka hi ti la hettheina dingin, thim lak ah go thil kisêlgute leh, a gûk ah go thil kisêlgute chu, hun pia ding ka hi.

JEREMIAH 25:12

Kum sawmsagi a ti’n zaw phat leh, Babulon lengpa tawh, zia nam leh Kaldaite gam chu a khawlona ziak un gawt ding ka hi; tichun, a gam uh chu suchavai dik dek ding ka hi, Lalpa‘n a tii.

JEREMIAH 27:7

Ama lenggam a pûk hun a tun masang sia, nam zosia’n ama leh a chapa leh a tupa na sep piak in au; ziazaw chuleh vang, nam tam tak leh leng lopi takte chun suak in mang ta’n au.

JEREMIAH 50:26

Kiltin ah kipat in hun do un; a bu Inte chu hong un; bu gual in siavum unla, susia dik dek un; a bangma khêkchâk nei kiu in.

JEREMIAH 50:37

A sakol leh kângtalaiteu leh, a lak ua nam dang sepai umte, numei sua ding ah do ding chemjam! A go thilteu do ah suam ding chemjam chu!

JEREMIAH 51:24

Zion chung ah a thil phalo bawl zosia ziakin, la mit mu ngei in, Babulon khawpi leh Kaldaite gam ah chêng zosiate chung in thuk ding ka hi, Lalpa‘n a tii.

JEREMIAH 51:35

Ka phe leh vo siatna phuba hi, Babulon chung ah lâk hi hen,” Zion ah chêngte chun hun tiu hen la, “Ka thisan phubau hi, Kaldaite gam ah chêngte chung ah lâk hi hen,” Jerusalem ah chêngte chun hun tiu hen.

EZEKIEL 11:24

Thagau in ei domkâng ah, ka gau lam in Pathian thagau in Kaldai gam ah saltângte kiang in ei pui tai. Ziaphatchun, ka thil mu chun ei nusia tai.

HABAKKUK 2:8

Nam tam tak la suam gam tâk ziakin, nam dang a la um nalaite chun, hun suam thuk ding a hiu; mite thisan leh gam chung ah te, khawpi leh a sung ah chêngte, la pawngbawlna ziak ah khan.

THUPUAN 17:16

Chuleh, a kî sawm la mute leh sahâng chun nawchizuaknu chu hun muda intiu in; bangma nei lo leh ngawnchang in koi intiu in; a sa ne’n, mei ah hâl tum ta’n au.