JEREMIAH 5:7 - PATHIAN LEKHABU THIANGTHO (BSI)

⁷ Bangti hun ngaidam ding ka hem, la chateu in ei nusia in, pathian hilote min in a kitiam tau hi. A vâ sêt ua ka vâk phatin, nawchizuakte In ah lût in, a ângkawm zo tau hi.

JEREMIAH 5:7 ပူးပေါင်းရင်းမြစ်များ

2 KHANGTHU 13:9

Lalpa thiampu, Aron chate leh Levite chu nawdok in, gamdangte gual ah la thiampu ding uh kisiam kawm mai mai hilo la hiu em? Bawngchal khat a hem, belamchal pasagi a hem ah hung kilân thiangtho thei taphot chu, zia pathian bawn hilote thiampu ding po ah chun la pansak mai mai hilo a hem?

JOB LEKHABU 31:12

Abaddon tiang ah kâng tum ding leh, ka bu ât ding zosia zung kaldaw ding chu ahi ngâl a.

SAM 50:18

Gucha la mu leh gualpha’n la siam a; mi thanghuaite la kivoppi zing hi.

JEREMIAH 12:16

Ziaphat chuleh, gunchu tak ah ka mite umchan zosia a zil ua, “Lalpa chu a hinnâk leh,” ti ah ka mite Baal min ah kitiam dan a la zilsak gual ua, ka min ah kitiam dan a kizilsak nâk uh chun, ka mite lak ah chun tung ding khawm ta’ng ka.

JEREMIAH 13:27

Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 16:11

a kiang un zia gual hin la gen ding ahi: “La pu leh pateu in ei nusia in pathian dang zui in, a na sêm in, a la ho tau a; keima ei taisan in, ka dante le a zui ta puau hi, Lalpa‘n a ti’n;

JEREMIAH 16:20

Mihing in amau â dingin pathian a kisiam thei ua a hem? Zia haw chu pathian ahi talojen hi!

JEREMIAH 2:11

Namte chun a pathianteu chu, Pathian tak hilomaleh, a theng ngai him him awm? Ka mipite’n vang a lopinau, thil phachuam lo mai mai in a theng tau hi.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

JEREMIAH 3:8

ji gin umlo Israel chu zia gual ah chu a um ziakin, nolna lekha chu pia’n ka sawlmang tai, ti ji gin umlo Judah chunle muzing maleh, launa châng a he diak pua’n, nawchizuak in a chia nalai lai a.

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:2

Aw, gam keu ah khualbûk nei in, ka mipite nusia in vaum daw san ziang leng ka nuam na e! ângkawm leh suam mang ngen ahi ta’ngal un!

KÂ LATE 3:42

Ka bawtsia tau ah, ka hel tau hi, ahi’n, lei ngaidam ta puai.

EZEKIEL 22:11

Mi pakhat in a Invêngpa ji a luppi ah; midang khat in a monu a tatsualpi in; a dang khat in la sung ah chun ama suapinu, a pa chanu ma ma a tatsualpi hi.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

HOSEA 13:6

Amau ka vâk lai khan a vâ un, a lungkim ma mau a; a vâ phat un a lungthim uh a hung chapo ta’n; tichun, ei hemil kit ta mai sek ui.

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

HOSEA 7:4

A leng un ângkawm a hiu ah, vaithum siampa’n changbuang a hel ah kipat, a vaithum min hun masia thukkhûk ah mei a sawtbe ngailo ah, thukkhûk mei in a hai lumsa tawhbang a hiu hi.

THIAMPUTE LEKHABU 20:10

Kuale, a Invêngpa ji tawh ângkawm chu, a ângkawmnu leh a ângkawmpa chu thalup gêl ding a hiu.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

ZEPHANIAH 1:5

Inchung ah kipat aksi honte ho ah; Lalpa ho ah kitiam ah, Milkom pathian ah le kitiam ah,

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

1 KORINTH 6:9

Aleh, midiklote chun Pathian gam lua pua’n au, ti la hepuau ah a hem? Thep zaw in um kiu in! Mi thanghuaite, milim ho-te, ângkawmte, mihukte,

1 KORINTH 8:4

Milim hona kithoina thillat nêk thu ah chun, “Khawvel milimte hi bangma ahi puai,” ti leh, “Pathian pakhat beplo ngal chu a dang a um puai,” ti I hechiat ui.

GALATIA 4:8

Himaleh, Pathian la la hetlo lai ua khan, piandan mawng ah le Pathian hilote suak la hiu a.

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.

HEBRAITE 13:4

Mi zosia’n kichenna hi jau hen la, jalkhun le sukbuak hi ki’hen; tasualte leh ângkawmte chu Pathian in vaihawm piak ding ahi.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

JOSHUA 23:7

zia gam ah um nalaite hi tawh kigawm lo ah, a pathian minteu le gen puak lo ding leh, a min ua le kitiam lo ding leh, a nau sêm lo ding leh a âng ua le khiangkho lo ah la umtheina ding un,