JEREMIAH 5:6 - PATHIAN LEKHABU THIANGTHO (BSI)

⁶ Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

JEREMIAH 5:6 ပူးပေါင်းရင်းမြစ်များ

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

EZRA 10:10

Ziaphatchun, thiampu Ezra chu a hung dingdok ah, a kiang un, “Nanghaw hin Israelte thiammaw channa belap ding ah gam dang numeite ji’n la la nei tâk ziakun, thil la la hi’khial tau hi.

EZRA 9:6

“Aw ka Pathian, la kiang lam hun nga, dak to dingin ka zak a cha talua’n, ka kiphalam talua ahi; ka khawlonau ka luvûm sâng in a sâng zaw’n, ka bawsiatnau in van a supha hial tai.

JOB LEKHABU 10:16

Sakeibaknei hâng gual in lei ngîm in, a vêl vêl in lei suam sek hi.

SAM 104:20

Nang in thim la siam ah, zia chu jan a hung hisek in, ziaphat chuleh, gammâng ah zu leh va zosia, a hung tadok sek ui.

SAM 80:13

Gammâng ah sangal in a philsia’n, lou ah ta zosia chun a ne tau hi.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 59:12

La masang ah ka sukkhialnau a tam ma ma ngal a, ka gitlo’nateu chun ei hêksia zing ui. Ka bawlkhialnateu chun ei umpi zing in, ka bawsiatnateu chu ka he tau hi.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 25:38

Sakeibaknei gual in a kua a hun nusia ta’n, a chemjam huhamna leh a hachang thakna huaisia tak ziakin, a gam uh chu a sia zo tai.

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

JEREMIAH 30:15

La be nat ziak ah bang ding ah kap la hem? La natna chu sukdam thei lo ahi. La bawlkhialna a huaisia ta luai, la gitlona a tam bêk ziakin, zia gual chu la chung ah ka hun tunsak ahi.

JEREMIAH 30:24

A lungtup a bawl zawah a mualsua masia, Lalpa lungnatna tizat um tak chu, hung kile’kit ziang pua’n a. Hun nunung lam leh, zia chu hun hechian ta’n la.

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

JEREMIAH 49:19

Jordan lui gâl nângbuk lak ah, sakeibaknei hung pawtdok in gantatna mun a hun zot gual in, Edomte chu phutlo halo in hun delmang ing ka tin; a chung ua vaihawm ding ah ka doitêl taphot hun guat ding ka hi. Kei tawhbang kua a hem um? Kua a hem ei ko ngam? Kua belampu a hem ei lang ngam um?

JEREMIAH 8:5

Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

JEREMIAH 8:7

Vanlaijawl ah tuivakang in bawn, a hun ding a kihiat ah; vapâlte, pialpîmte leh tuiva te’nle, a hung hun ding chiat uh a kihiat thei un; himaleh, ka mipite’n vang, kei a Lalpau dan thuguatte hi a hepuau hi.

KÂ LATE 1:5

A gâlteu chu a hotuu a hung hiu a, a mêl huatteu chu a lawting tau hi; a gitlonau nasat bêk ziakin, Lalpa‘n a thoksak ta’n; a chateu chu a gâlteu âng in, sal ah pui in a um zo tau hi.

EZEKIEL 16:25

lambom tin ah mun thawveng la kisiam ah, la mêlphatna la zuak ah, la thanhuaina hi’pung dingin a hun haw kha taphot kiang in la kipia’n.

EZEKIEL 22:27

A sung ah vaihawm hotute chu, ngei sane lai gual chu a hiu a; thisan a suau ah, diklo tak ah lawkna hawl in mi hinna a lau hi.

EZEKIEL 23:19

A chutisapi’nle, Aigupta gam ah a ngâklak lai ah thanghuai tak ah a la umdante kha a hetzing ziakin, a thanghuai zaw sêm a;

DANIAL 7:4

A masa pen chu sakeibaknei mêlpu, mupi thâ gual a nei in. Ka et zing lai in, a thâte chu baw thâk in a hung um ah; chuleh, lei tual ah kipat dopdaw in a um ah, mihing gual in a keng pani’n dinsak in a um tai; chuleh, a kiang in mihing ngaituana lungthim piak in a um tai.

DANIAL 7:6

Ziazaw chun, ka et zing leh a dang pakhat, gialbem tawhbang khat a hung pawtdok a. Zia gamsa chun a nungjang ah vacha thâ gual thâ pali tawh luchang pali a nei ah; chuleh, a kiang in lalna piak in a um a.

HOSEA 5:14

Ephraim â dingin sakeibaknei gual hi’ng ka tin, Judah Inkuante â dingin sakeibaknei vânglai gual hi’ng ka. Keima’n bottel in chia mang ta’ng ka; paw mang ing ka tin, kuama’n hukdok pua’n a.

HABAKKUK 1:8

A sakolteu chu gialbem sâng in a chan-gang zaw’n, thimbut ah ngei sâng in a lau um zawu hi; a sakol chungchuangteu chu, a hung kithejak ui. A sakol chungchuang miteu chu, gamla tak ah kipat hung a hiu in; mupi sa nêk ding baw gual in, kin-gang tak in a hung leng ui.

ZEPHANIAH 3:3

A sung ah miliante chu, sakeibaknei kitum gual a hiu in; a vaihawmteu le nitâk lam ngei gilkial, jingkal tiang ah bangma khêkchâk nei lo gual a hiu.

KISIMNA LEKHABU 32:14

Chuleh, tu’hin Israelte chung ah Lalpa lungnatna belap dingin, la pateu dungsûn ah nanghaw migilo haw ma ma hi la hung piang un!

THUPUAN 13:2

Zia sahâng ka mu chu gialbem gual mêlpu a hia, a keng chu savom keng gual a hia, a kam chu sakeibaknei kam gual ahi. Dragon chun, a lalchutpha leh a thilhitheina, chuleh thuneina le a pia’n.