JEREMIAH 5:5 - PATHIAN LEKHABU THIANGTHO (BSI)

⁵ Mihausate kiang lam ah chia ing ka tin, a kiang un gen mai ing ka; amau chun vang Lalpa lampi chu hia’n, a Pathian dan uh chu he ngei ngei in au,” ka ti’n. Himaleh, a leng un a ngawngkol uh a susia tau a, a mi kânna khaute a ât tan zo tau hi.

JEREMIAH 5:5 ပူးပေါင်းရင်းမြစ်များ

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

PAWTDAWNA THU 32:25

Mosi’n mipite chu a nop dan dan ua ki-ngolpêk ziang a hiu ti a mu ta’n; (Aron in a mêlmateu nasan in a musit ding khop un, a nop dan chiat ua a la kipêksak ta’ngal a;)

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 8:7

Vanlaijawl ah tuivakang in bawn, a hun ding a kihiat ah; vapâlte, pialpîmte leh tuiva te’nle, a hung hun ding chiat uh a kihiat thei un; himaleh, ka mipite’n vang, kei a Lalpau dan thuguatte hi a hepuau hi.

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

EZEKIEL 11:2

Ama’n ka kiang in, “Mihing, ziate hi a hiu hilam khawpi sung ah thil phalo guanggal ah, nunsiatna lampi hilte chu,

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

LUKA 18:24

Jesu’n ama chu a en a, “Mi hausate Pathian gam a lut diu a haksa na e!

LUKA 19:14

Himaleh, a gam mite chun ama chu a mu nuam puau ah, a chia nung ah chun palai a sawl zui un, ‘Zia pa hi ka chung ua vaihawm dingin ka doi puau hi,’ a tiu a.