JEREMIAH 5:31 - PATHIAN LEKHABU THIANGTHO (BSI)

³¹ Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 5:31 ပူးပေါင်းရင်းမြစ်များ

1 LENGTE 22:6

Ziaphatchun, Israelte lengpa chun jawlneite zosia a ko khawm ah, za li vel a hiu ah; a kiang un, “Ramoth-gilead ah galdo dingin kuan to ding ka hem, ahiloleh, kuan da mai ding ka hem?” ti’n a gen a. Amau chun, “Kuan to in; zia chu Lalpa‘n lengpa khut ah hun pia ding ahi,” a tiu a.

THUPILTE 17:4

Thil phalo bawlte chun paukam phalo a ngaichâng zing un; mi lepchia inle thusia lam in a bil a daw sek hi.

ISAI 10:3

Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

ISAI 20:6

Zia ni phat chuleh, Philistia tuisuagiat pangjul ah chêngte chun, ‘En tiam u, Assuria lengpa a hung phat leh I bêl ua, ei hukdok ding ah I la kineppi tak uh chu aw! Bangti leu hin I suakcha thei ta diam uh?’ la ti’n au,” ti’n a gen a.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 43:27

La suantu bul pen in thil a la hi’khial ta’n, la paulettuteu inle thil a la bawl khial zo tau hi.

ISAI 47:7

Nang in, “Kumtuang ah lengnu hiding ka hi,” la ti ziakin, zia thilte chu la lungthim inle la la ngaitua kha pua’n, a tawpna ding uh le la he’pha diak puai.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 14:14

Chuleh, Lalpa‘n ka kiang in, Jawlneite chun ka min in zuau a gen un; amau chu ka sawl pua’n, a kiang ua thu vagen dinginle ka guat puai. A lungthim ua a mithep nopna ziak un, bangma a mulopiu leh Pathian in a hiatsak hilote chu a gen zawu ahi.

JEREMIAH 26:7

Thiampute, jawlneite leh mipite zosia chun, Lalpa In ah Jeremiah in zia thu a gente zosia chu a hechiat tau a.

KÂ LATE 1:9

A buakna chu a nîk in a bek ah, a khawnung thu ding bangma a gêl puai; a kiak niamna chu huaisia tak ahi, a thamuan ding khat le a um puai. “Aw Lalpa, ka haksat dan hi hun en tiam in, mêlmate’n ei tawden tau hi!” a ti’n.

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

KÂ LATE 4:13

A jawlneiteu gitlo ziak leh, a thiamputeu diklona ziakin, midikte thisan chu a khawpi sung ah sua ahi tai.

KÂ LATE 4:18

I kotzing nasan un I nop nop ua, I vâk vêl theilona ding un, I kalsuan uh a chingsui un; I tawpna ding uh a nai tai; I hunteu hi tiam ahi; I tawpna ding uh a hung tung ta hilam.

EZEKIEL 13:10

Muanna umlo in, “A gâl muang hi,” tia ka mipite a thep ziak uh leh, ka mipite’n kulbâng a sak lai un, zia jawlneite hin a la jikpawl tau in.

EZEKIEL 13:6

Zuau thil a muu in, zuau thu a gen un, Lalpa‘n a sawl lo pi’nle, “Lalpa‘n a gen in,” a tiu a; a thugen uh guitunna a la ngâk nalai un!

EZEKIEL 22:14

Nangma ka hun gawt phat leh la sekdona a pang zo in, la khut chu a pang zo na diam? Keima Lalpa hin ka gen ta’n, bawl ngal ding ka hi.

HOSEA 4:9

Mipite thok gual chu thiampute chung inle tung in a; a tawi dan dungzui un gawt ing ka tin, a thilbawlteu chu thuk ing ka.

HOSEA 6:10

Israel Inkuan lak in thil huaisia tak ka mu ta’n; Ephraim nawchi zawkna chu a um a, Israel chu sukbuak ahi tai.

HOSEA 9:5

Kût kiguatte a hung tun phat leh, Lalpa â ding ah kût ni ah chun bang la bawl ta diam uh?

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

MIKAH 2:6

Mipite chun, “Ka chungthuu ah hin thu gen kin, zia gual thilte chu gen him him kin. Pathian in ei mualphosak lo ding ahi.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

DAN LEKHABU 32:20

Hiti’n a gen ah: “Amau ah kipat in, ka maichang sêlgu’ng ka tin; bang gual in a hung tawp awm a la en ma ing ka; ginumna bei cha leh nau, mi chavaite ahi ngâl un.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.