JEREMIAH 5:28 - PATHIAN LEKHABU THIANGTHO (BSI)

²⁸ a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

JEREMIAH 5:28 ပူးပေါင်းရင်းမြစ်များ

JOB LEKHABU 12:6

Suammangte chu lungmuang tak in a chêng un, a bân tha hatnau chu a pathian uh ahi.

SAM 119:70

Amau chun hiatthiamna him him a nei puau a; kei vang la dan ah hin ka kipak hi.

SAM 72:4

Mipite lak ah genthei thuakte chu panpi hen la, tasamte chu hukdok hen la, mi sugentheite chu vang gawtnawi hen.

SAM 73:12

Mi nunsiate zia gual chu a hiu a; nuamsa tak ah um in, a hausa tul tul ui.

SAM 73:4

Natna a nei puau in, a taksau chu hisel in, a mâmpha ma ma hi.

THUPILTE 15:25

Lalpa‘n mi kiletsakte In chu a phiat piak sek a; meithâite gamgi chu vang a hi’det piak sek hi.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

JEREMIAH 12:1

Aw Lalpa, ka hun awimaw guat leh le, nang chu la dik him him hi; ahi’n la, kadot nop pakhat hun dong ing ka. Bang ding ah migilo lamzang a hem? Bang ding ah dawha phalo mite zosia, khangto sek a hiu em?

JEREMIAH 2:33

La ngaijawngte umna la zot thiam siat tawh, numei nunsia nasan la umchan la hil sek hilo a hem?

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

ZEKARIAH 7:10

meithâi, nauchaga, malzin leh migentheite chu nuaisia kiu in; kuama’n la lungthim ziang unle la unauteu siatna ding ngaitua kiu in, a ti’n.

1 KORINTH 5:1

La lak ua thanhuaina a um hi ti thu ei hil un, zia tawhbang thanhuaina chu Jentelte lak inle a kigen kha nai puai; mi pakhat in a pa ji a kichenpi ziang thu kha ahi.

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.