JEREMIAH 5:24 - PATHIAN LEKHABU THIANGTHO (BSI)

²⁴ A lunggil un, “Lalpa I Pathian uh lau hitiu, ama’n a hun tak in gawtui ei pia’n, chavâng gua leh khâl gawtuite ei pia’i, pawltâk hun ding leh hapta kit dingte ei koi piak ngâl a,” a ti nuam puau hi.

JEREMIAH 5:24 ပူးပေါင်းရင်းမြစ်များ

THILSIAM THU 8:22

Lei chung a um sungsia butu leh bulâk hunte, khawvot leh khawlumte, nipi leh phalbite, sûn leh jante chu bei ta pua’n a,” a ti tai.

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

JOB LEKHABU 29:23

Gawtui a ngaklâ gual un, keima ei la ngak sek un; chavâng gawtui ngak la’, kamka sek te gual in ei ngak sek ui.

JOB LEKHABU 38:37

Kua a hem, sûmpite sim thei ding hial ah pil? Ahiloleh, van ah tui umte chu, kua’n a hun sunthâk sek a hem?

JOB LEKHABU 5:10

Ama’n lei chung ah gua zuksak in, loute chung in tui a hun pia’n;

SAM 147:8

Ama’n vânte khi sûmpi a lia sak in, lei â dingin gua a siam piak in, tichun, tângte ah chun hampa a ke’ sak hi.

SAM 65:9

Lei hi la kantha’n, tui in la vâk ah, nasa tak in la hausatsak a; Pathian luidung chu tui in a dim a; lei ah mipite chu bu la pia’n, zia gual ding him ah chu la guanggal ahi ngal a.

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

JEREMIAH 10:13

A aw a sua phat leh, van ah tuite a phul bul bul sek in, kawlmong langkhat lam ah kipat in, tuihu a lên dawsak sek hi. Gaw zukna dingin kawl a phet sak ah, hui chu a khol khawmna kipat in, a nun dawsak sek hi.

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 3:3

Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

JEREMIAH 50:5

Zion lam nga’n, a lampi ding dong malam pek in, kumtuang thuthung, bangmatik ah le hetmil tâk lo ding ah Lalpa tawh kizopna nei in hung khawm ta’n au.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

JOEL 2:23

Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

AMOS 4:7

Pawltâkna ding tha thum ahi lai in, la chung ua gua zu ding ka tutâng ah; khawpi pakhat chung in gua ka zuksak ah, khawpi dang khat chung in ka zuksak pua’n; lou khat chung ah zuksak ahi’n;

ZEKARIAH 10:1

Nipi kipat hun a hin, Lalpa kiang ah gawpi zu dingin don un, Lalpa chun thigawpi’n a sûmte a siam in, mitin â ding leh lohing chitin â ding ah, maljawlna gawtuite chu a piai.

MATTHAI 5:45

la Pau van ah mi chate la hi’theina ding un; ama chun migilote leh miphate chung ah chun ni a suak sak gêl ah, mi dik leh dik lo chung ah le gua a zuksak sek hi.

NASEPTE 14:17

tu’hin vang chu, ama chu a hetpi umlo in a kikoi ngai ta pua’n; thilpha a bawl zing in, van ah kipat gawtui leh a hun tin ah ga te, nêk leh châk leh kipakna’n I lungthimteu a hi’dim hi,” a tiu a.

DAN LEKHABU 28:12

Lalpa chun a hun chet chet ah la gam uh chapno ding gawtui hun pia ding leh, la khut nasepnau taphot hun maljawl dingin, van, a hausakna van koina hun hon piak in a; chutichun, nam tamtakte kiang ah bat lâksak in la tiu in, nang un vang kuama â ba pua’n lau.

JAKOB 5:7

Chutichun, suapite haw, Lalpa hung masia thuak-hat tak in um un. Louneitu chun gawtui kia masa leh nunung chu a mu masia, thuak-hat tak in leiga pha tak chu a ngâk sek hi.

THUPUAN 11:6

Ziate chun a thugen sungsiau guazu lo dingin van hi’pin theina a nei un, tuite le thisan suaksak theina a nei un; chuleh a nop hun hun un khawvel ah hipi lênsak ah sukchimit theina a nei ui.