JEREMIAH 5:22 - PATHIAN LEKHABU THIANGTHO (BSI)

²² Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

JEREMIAH 5:22 ပူးပေါင်းရင်းမြစ်များ

THILSIAM THU 1:9

Pathian in, “Vân nuai ah tuite chu mun khat in um khawm hen la, khawmual hung kilang hen,” a ti’n. Zia gual chun a hung um tai.

1 LENGTE 13:28

ama chule a chia ah, lamlai ah mithiluang kizam chu tawh, mithiluang kiangah ding zing sabiltung leh sakeibaknei chu a vamu tai. Sakeibaknei chun mithiluang chu a la ne pua, sabiltung chule bangma a la law diak puai.

JOB LEKHABU 26:10

Vak leh thim kigamgitna zul in, tuisuagiat chung ah gamgi a zik kual piak hi.

JOB LEKHABU 37:24

Ziaziakchun, mite’n a lau ui; mi kipilsakte chu, bang ma’n a ngai puai.

JOB LEKHABU 38:8

Tuisuagiat te a hung pût daw lai un, kua’n a kotkhak uh a la khâk bit piak a hem?

SAM 104:9

Tichun, lei chup mang ding ah a kile’kitlona ding un, a kân lo ding un gamgi la thung hi.

SAM 119:120

Ka taksa hi nangma lau in a kithing in, la vaihawmnate chu ka lau hi.

SAM 33:7

Ama’n tuisuagiat ah tuite chu, likli sung ah um gual in a koikhawm ah; tui thûk takte chu a khol khawm sek hi.

SAM 46:3

a tuite chu gi zung zung in, phul bul bul ziang hen la; a kinawk nasat ziakin tângte hi, kilîng dûp dûp ziang maleh, lau puai tiu. (Selah)

SAM 99:1

Lalpa chu leng ahi; nam zosia’n lau in kilîng tau hen! Cherubte chung ah lal in a chu hen, lei hi kithing ta hen!

THUPILTE 8:29

tuisuagiatte’n a thupiak a bawsiat lona ding ua, gamgite a siam piak lai leh, leilung kingakna ding a la guanggal lai ah khanle, ka la um ta’n;

ISAI 50:2

Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

ISAI 64:2

mei in munphi thing a kat kuang puat puat ah, tui a chiaksak bul bul gual ah, la ma-âng ah mualte a kithin theina ding un, vante botthêk in hung kum suk mai lechin aw!

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

JEREMIAH 10:7

Aw, namtin chung ah Lengpa, kua a hem nang hun lau lo ding chu? Namtin lak ah mipi zosia leh, a lenggam zosiau lak in, nangma gual kuama a umlo ziakin, ja tâk him la hi.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 31:35

Sûn salvâk ding ah nisa, jan â ding ah thapi leh aksite, um ding dan zosia guanggalpa; tuisuagiat chokphûl ah, a tui kinawkte gitsak zung zung pa, a min Sepai honte Lalpa chun, zia gual hin a gen hi:

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

AMOS 4:12

Ziaziakchun, aw Israel, la chung ah zia hi bawl ding ka hiziak in, aw Israel, la Pathian tuak dingin kisazo ta’n!

AMOS 9:6

ama’n a pindan chungnung van ah a siam in, lei chung khû dingle a siam hi; tuisuagiat ah tuite a kodok ah, lei tual ah gawtui zuksak pa, a min chu Lalpa ahi.

JONAH 1:16

Ziaphatchun, mite chun Lalpa a lau zaw diak tau a; tichun, Lalpa kiang in kithoina a lân ua, thutiamte a bawl tau hi.

NAHUM 1:4

Tuipi a vau ah, a kangtan ngal in, lui zosia le a hi’kang sik sek hi; Bashan leh Karmel a vuai ta’n, Lebanon pâklûn chu a chuai tai.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

MARKA 4:39

Ama chu a hung tho ah, thigua chu a vau a, Dil kiang ah chunle, “Thip inla um hiat hiat in,” a tia. Tichun, thigua chu a hâi ah, a thip dîl dêl tai.

LUKA 12:5

la lau ding uh chu ka hun hil masa ahi: A hun thalup nung ah le gawtmun ah hun pai lut thei nalai chu la lau diu ahi.

DAN LEKHABU 28:58

Lalpa la Pathian uh min chungnung leh tizat um tak hi lau lo ah, zia lekhabu’ kizik dan thu zosia hi gunchu tak ah la zop lo ua ahi chun,

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.