JEREMIAH 5:13 - PATHIAN LEKHABU THIANGTHO (BSI)

¹³ Jawlneite chu hui gual mai mai a hiu, amau ah thu tak a um paw’ngâl a. Zia gual ma chun a chung un tung in a!

JEREMIAH 5:13 ပူးပေါင်းရင်းမြစ်များ

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

JOB LEKHABU 6:26

Mi beidongte thugen chu bangmalo ah ngai ah, thu kigente chu selpho ding kisa la hiu em?

JOB LEKHABU 8:2

Zia gual thil chu bang chan gen nalai ah, la kam ah kipat huipi pawt, batsak nalai ding la hem?

THUPILTE 25:14

A piak lopi pia ah kigen thiam ah chapote chu, gawtui pâi lo sûm leh huizang tawhbang bep a hiu.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

JEREMIAH 14:13

Ziaphatchun keima’n, “Katei, Lalpa Pathian! Zia tak ah jawlneite hin a kiang un: Kidona chemjam chu tuak pua’n la tiu in, kialna le tuak lo in zia mun ah hin thamuang tak in um ding la hiu, a tiu a,” ka ti’n.

JEREMIAH 14:15

Ziaziakchun, ka sawl lo ah ka min ah thu gen sek, jawlneite chungchâng ah zia gual hin Lalpa‘n a gen ah; amau chun la: “Zia gam sung ah hin kido’na chemjam leh kialna hung tung lo ding ahi,” a tiu a. Kido’na chemjam leh kialna ziakin zia jawlneite chu that gam ding ka hi.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 22:22

La hotuteu chu hui in tok mang intin, la ngainatteu chu sal ah tâng in au; ziaphat chuleh, la gitlonau zosia ziakin, mualpho tak leh beidong tak in um ta’n lau.

JEREMIAH 28:3

Babulon ah Lengpa Nebukadnezar in zia mun ah kipat a la puakdaw, Babulon lam ah a la puak tung tâk, Lalpa In ah matchâk ûm leh bêl zosia kha, kum ni sung in zia mun ma ma ah hin hun tut kit ding ka hi.

JEREMIAH 43:2

Hoshaiah chapa Azariah tawh, Kareah chapa Johanan tawh, amau gual tho ah mi khawksak bei zosia chun Jeremiah kiang in, “Zuau gen la hi. Lalpa I Pathian un ka kiang un, ‘Aigupta gam ah chêng dingin chia kiu in,’ ti dingin a hun sawl talojen hi;

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.