JEREMIAH 5:10 - PATHIAN LEKHABU THIANGTHO (BSI)

¹⁰ A grep phung kitiang kikâl ah chia to un la susiau in, ahi’n, a tawp tut kiu in; a bâkte chu heu un, Lalpa â a hipaw ngâl a.

JEREMIAH 5:10 ပူးပေါင်းရင်းမြစ်များ

2 KHANGTHU 12:4

Judai gam ah khawpi kuldet neite chu a ban ban in a hun la zung zung in, Jerusalem khua tiang a hung tung tau a.

2 KHANGTHU 36:17

Ziaziakchun, Kaldai lengte chu a puilût ah, amau chun a mun thiangtho ah chun a tangvalteu chu chemjam in a sat lum tau ah; tichun, tangval hi’n nungak hileu, teksia tawi zo talote hi ziangleu le, lainatna pang lo in a hun soisa tau hi; amau chu a leng un a khut ua a piak daw suak ahi tai.

JEREMIAH 2:21

Grep kichijiat thiang tak, doichuam tak ah ka hun phû hilo la hem? bangtidan ah grep tak lo leh, grep lêm hung suak ziang la hem?

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 4:27

Lalpa‘n zia gual hin a la gen tai: Gam pumpi chu suksiat in hung um ta’n tin; himaleh, hibei suak ziang nai tadi pua’ng ka.

JEREMIAH 46:28

Nang, ka suakpa Jakob vang, bangma lau kin, ka hun umpi zing hi, Lalpa‘n a tii. A lak ua ka hun thejakna nam tinte chu, sutawp ing ka tin; nangma chu vang hun sutawp pua’ng ka! A kigûn tawk bep in hun gawt ing ka tin, gawt lo in vang hun mawk koi pua’ng ka,” ti in.

JEREMIAH 5:11

Israel Inkuante leh Judah Inkuante chu, ginum lo tak ah a la um zaw tak ziak un, ti’n Lalpa‘n a tii.

JEREMIAH 5:18

Zia gual hun ah chunle, hun suchimit ziang nai pua’ng ka.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

EZEKIEL 12:16

Himaleh, a ki’dak um dan uh namtin lak ah a gendaw theina ding un, a lak ua khenkhat, mi tawmcha chemjam ah kipat suakcha’n au; zia phat chuleh, Lalpa ka hi ti hun he ta’n au.

EZEKIEL 14:17

Ahiloleh, zia gam chu gawt ding ah chemjam ka sawl ah, “Chemjam in a gam pumpi that hen,” ka ti ah, a gam ah gancha leh mihing a thâ gam chun,

HOSEA 1:9

Ziaphatchun, Lalpa‘n a min in, “Lo-ammi sa’n. Nang uh hi ka mite la hipuau ah, keima le la Pathian uh ka hi’tâk lo ziakin,” a ti tai.

AMOS 9:8

Lalpa Pathian mitte chu lenggam gilo chung in a chu hen; lei chung ah kipat in sumangthai ing ka; Jakob Inkuante bep chu hi’mangthai suak pua’ng ka, Lalpa‘n a tii.

MATTHAI 22:7

Zia thu chu lengpa’n a la het phat in a lungna ma ma ah; a sepaite a sawl ah, zia mithatte chu a vasuchimit tau ah, a khuau le a hâltum piak tau hi.