JEREMIAH 5:1 - PATHIAN LEKHABU THIANGTHO (BSI)

¹ Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

JEREMIAH 5:1 ပူးပေါင်းရင်းမြစ်များ

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

SAM 12:1

Aw Lalpa, ei panpi in, Pathian ngaisak mi la a um ta paw’ngal in; mihing chate lak ah mi ginum a um ta puai.

SAM 14:2

Pil leh hethiam ah Pathian hawl a um awm, ti’n Lalpa‘n van ah kipat in, mihing chate a hun en suk ah.

SAM 14:3

Lam dik ah kipat in a pêt mang suak tau a, a leng un a pêt mang chiat tau hi; kuama thilpha bawl a um ta puau a, pakhat chale a um ta puau hi.

SAM 94:16

Kua a hem ka thasâng ah mi nunsiate, do ding ah kipan ding? Kua a hem ka thasâng ah thil phalo bawlte, do ding ah ding ngam?

THUPILTE 20:6

Mi tam takte chu diktat hi’n kigen chiat maleu, mi muan um tak chu kua hem mu zo ding?

THUPILTE 23:23

Thu tak chu chawn la, zuakdok kit ta kin; pilna, hilna leh het thiamnate hi kichawk in.

THUPILTE 8:3

khawpi lûtna kêlkot bul leh, In lûtna kotbulte ah chun, ngai tak in a kiko tawl tawl a:

SOLOMON LÂ 3:2

“Tu’hin kipan in, khawpi sung hawl vêl ing ka tin, kotzing leh Inthêl kâl tin hawl ing ka; ka hinna’n a thangai pen chu, hawl ing ka,” ka ti’n. Ka hawl ta ngei ah, ahi’n, ka mu zo diak ta puai.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

JEREMIAH 2:29

Bang ding ah ei gensia la hiu em? La leng un ka chung in la thukhel ngâl un, Lalpa‘n a ti ahi.

JEREMIAH 44:15

Chun, a jiteu in pathian dangte kiang in thilpiak a bawl ui ti he zosia leh, a kiang ua ding numei zosia tawh, Aigupta gam ah Pathros mun ah chêng zosia chun Jeremiah a dawnhuu a:

JEREMIAH 8:6

A la ngaitha’n, ngaisak malengle, thu dik gen a um puau hi; kuama a nunchan phalo uh haisan a um puau in, “Bang ka la bawl khial ah a hem?” a ti zing ui. Sakol gâl do-na mun ah lu bungbut ah a pan gual un, mi tin amau majawn chiat in a kihei tau hi.

JEREMIAH 9:2

Aw, gam keu ah khualbûk nei in, ka mipite nusia in vaum daw san ziang leng ka nuam na e! ângkawm leh suam mang ngen ahi ta’ngal un!

JEREMIAH 9:7

Ziaziakchun, sepai honte Lalpa‘n zia gual hin a gen a: Tu’hin amau chu ka thît thiantho ah, ka patep lo ngal leh, zia ka mipi gilote chung ah hin, bang dang le bawl ding ka nei em?

EZEKIEL 22:30

A gam ka hi’siat lona ding ah, gam thasang ah ka ma-âng ah ding ah, a bâng siampha ding leh, a siatna mun ah pang ding a lak un mi ka hawl ah; himaleh, ka mu zo puai.

EZEKIEL 9:9

Ama’n ka kiang in, “Israel leh Judah Inkuante thil bawl khial chu a huaisia ma ma hi; gam pumpi thisan sua’na’n a dim ah, khawpi sungle nunsiatna’n a dim zo tai; amau in, ‘Lalpa‘n gam hi a nungngat ta’n, Lalpa‘n en talo ahi,’ a ti’ngal ui.

DANIAL 12:4

Himaleh, aw nang Danial, huntawp masia zia thute hi îm inla, lekhabu chule châldet mai in. Mite chu tai vêl het hut intiu in, siatna pung ma ma ta’n ah, a hun ti tai.

JOEL 2:9

Khawpi sung in a chawm lut un, bâng chung ah lawn kai in, Inte’n a kal to un, gucha gual in tukvan ah te’n a lut ui.

AMOS 8:12

Amau chu tuisuagiat ah kipat in tuisuagiat tiang ah, mallam ah kipat in sualam ah vâkvai in’au; Lalpa thu hawl in tai lumlet intiu in, himaleh, mu pua’n lau.

ZEKARIAH 2:4

a kiang in, “Tai inla, zia tangval kiang ah sawn, Jerusalem chu a sung ah mihing leh gancha a tam bêk ziakin, khawneu kulbâng bei gual mai ah lua dim ah hung um ding ahi, ti vagen in.

LUKA 14:21

Suakpa chun a pu kiang in zia thute chu a vagen a. In neipa chu a lungna ta’n, a suakpa kiang ah chun, ‘Chia kin-gang inla, kotzing leh khawpi sung gawlchiak kâlte’n chia inla, gentheite, piangsualte, mitthûmte leh kengbaite hun pui lût in’ a ti tai.

2 THESSALONITE 2:10

mangthai zingte â ding ah dawha gilo chitin tawh hi’n a; hukdam ah a umtheina ding ua thutak hepina chu a pom lo ziak un.