JEREMIAH 49:2 - PATHIAN LEKHABU THIANGTHO (BSI)

² Ziaziakchun, Ammonte khawpi, Rabbah do-na ding ah pengkul ka mûtna ding hun chu, hung tung ngei ngei ding ahi; mualbawk nutsia ah um gual bep hi’ntin, a khawchate chule mei ah hâl tum hi’n a; ziaphat chuleh, Israelte’n amau suandokte chu, suandok kit ta’n au, Lalpa‘n a tii.

JEREMIAH 49:2 ပူးပေါင်းရင်းမြစ်များ

2 SAMUEL 11:1

Chun, chavâng hun a hung hita’n, lengte gâl bawl ah a kuan hun lai un, David in Joab leh a sepai hotute chu gâl bawl dingin a sawldok ah; Ammonte chu a vado un, Rabbah khua chu a la tau a. Himaleh, David chu Jerusalem ah a um den hi.

SAM 48:11

La vaihawmna ziakin Zion tâng chu kipak hen la; Judah gam ah khuate chule kipak tak in um tau hen!

SAM 97:8

Zion tâng in a hia’n, a kipak hi; aw Pathian, la vaihawmna ziakin, Judah khawpite lim tak in a um ui.

ISAI 11:14

Tumlam ah Philistinte do khawm intin uh, sualam ah mite suam in pang khawm ta’n au. Edom tawh Moab do-na’n a khut lâm khawm ta’n tin uh, Ammonte’n le a thuu jawm ta’n au.

ISAI 17:1

Damaska chungchâng thusuak chu: “Ngai un, Damaska chu khawpi hita pua’n tin, In chim them nên kisia bung hung hi bep ta’n a.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 49:1

Ammonte chung thu ah Lalpa‘n zia gual hin a gen a: Israel in chapa nei lo a hem? golua ding nei lo a hiu em? Bang ding ah Milkom in Gad khua suandok ah, a khawpite ah a mipite chêng den ziang a hitau em?

EZEKIEL 21:20

Ammonte khua Rabbah ah chemjam a hung lûtna ding leh, Judah leh kulpi det Jerusalem ah lûtna ding lamlian chu tepte in.

EZEKIEL 21:25

Nang Israel hotu gilo leh nunsia, la gitlona gawtna ding nikhua, huntawp ni chu a nai tai;

AMOS 1:14

Ziaziakchun, Rabah bâng mei in hâl ing ka tin, a kulpite chu kâng tum intin, kido ni ah kiko thawm tawh, chîmpei ni ah thigawpi tawh,

OBADIAH 1:19

Negeb ah umte chun Esau tâng chu, lua ta’n tiu in, Shephelah mun ah umte chun, Philistinte gam chu lua intiu in, Ephraim leh Samaria gam zosia chule chang ta’n au; Benjamin in Gilead gam lua ta’n a.

KISIMNA LEKHABU 10:9

Chuleh, la gam sung ua nanghaw hun hi’genthei, la mêlmateu do ding ah la kua’n ding tak uh leh, kigâlginna pengkul la mût ding uh ahi. Tichun, Lalpa la Pathian mau ah het zing in um in la tiu in; chuleh, la gâlteu ah kipat hukdaw ah um ding la hiu.

KISIMNA LEKHABU 21:25

Israelte chun a khawpi zosiau a lâkpiak tau ah; chuleh, Israelte’n Amorte khawpi Heshbon tawh a kîmvêl ah khawneu um zosia chu a lua suak tau a.

DAN LEKHABU 13:16

Gâllâk thil zosia chu khawlai ah siakhawm unla, khawpi chu a sung ah gâllâk kisia khawm zosia chu tawh, Lalpa la Pathian kiang un hâlmang thillat gual in hâl tum mai un. Tundin kit tâk lo ding ah kumkhua’n hisiat in um ta’n a.

DAN LEKHABU 3:11

(Tu’hin, Bashan lengpa Og bep hi mi lian chi, Rephaimte suan ah mi um sun chu ahi tai. Chuleh, a thîk lupna chu Ammonte khua Rabbah ah chun muthei in a um zing hi. A thîk lupna chu mihing tong ah te’ in a dung tong kua leh a vai tong li ahi).

JOSHUA 17:11

Issakhar leh Asher gam sung ah chun Manasseh in Beth-shean leh a khawpelte, Ibleam leh a khawpelte, Dor leh a khawpelte, Endor leh a khawpelte, Taanakh leh a khawpelte leh Megiddo leh a khawpel ah chêng zosia (a pathumna hi Naphtali ahi’n) a nei un.

JOSHUA 17:16

Joseph suante chun, “Tânggam chu kei uh â dingin a hun tawk puai; phâicham ah Kanaan mite, Beth-shean leh a khawpel ah chêng zosia tawh, Jezreel phâijawl ah chêng zosia chun thîk kângtalai a nei nalai sêt un,” a tiu a.