JEREMIAH 48:45 - PATHIAN LEKHABU THIANGTHO (BSI)

⁴⁵ Heshbon dailîm nuai ah chun, gâljam ah taite sawlsam in a chawl tau a; Heshbon ah kipat in mei a hung kuangdok in, Sihon In ah kipat meikuang a diangdok ta’n a; zia chun do lungpu zing Moab mipite gamgi leh, mualvum zosia chu a kâng tum tai.

JEREMIAH 48:45 ပူးပေါင်းရင်းမြစ်များ

SAM 135:11

Amorte lengpa Sihon, Bashan lengpa Og leh Kanaan gam ah lenggam zosia:

SAM 78:63

A tangvalteu chu mei in a kâng tum a, a nungakteu in kichenna La ding a nei ta puau hi.

JEREMIAH 2:16

Zia mai chule hilo in, Memphis leh Tahpanhes ah mite chun, la luchang ua lal lukhuk a susia tau hi.

JEREMIAH 48:2

Moab minthanna a bei ta’n, Heshbon ah chun a siatna ding a guanggal un: “Hung un, nam khat ahi nau hi, sumangthai hitiu,” a tiu a. Aw Madmen, nang le sukthip in hung um in la tin, chemjam in hun delzui ding ahi.

AMOS 2:2

Ziaziakchun, Moab chung ah mei sawl ing ka tin, Kerioth kulpite chu kâng tum intin, Moab chu buaina huaisia lak ah, kiko thawm leh pengkul git lak in thi’n tin;

ZEKARIAH 10:4

A lak ua kipat in suangphûm ding, a puan In hênna khuam ding, gâl do’na thalpi ding leh a vaihawm ding zosiau hung pawt in a.

KISIMNA LEKHABU 21:21

Ziaphatchun, Israelte chun Amor mi, Sihon lengpa kiang in mi a sawl un:

KISIMNA LEKHABU 21:26

Heshbon chu Amorte lengpa Sihon in Moab leng masa a la do ah, Arnon lui tiang ah a la lâkpiakna gam chu ahi ngâl a.

KISIMNA LEKHABU 21:28

Heshbon ah kipat in mei a kuangdok ta’n, Sihon khawpi ah kipat meikuang in, Moabte Ar a kângtum ta’n, Arnon lopina zosia tawh a kâng tum tai.

KISIMNA LEKHABU 21:29

Aw Moab, la chung a gik na e! Aw Khemosh mipite haw, tawden in la um tau hi! A chate a liangvaisak ta’n, a chanute sal in a pui mang tau in, Amor Lengpa Sihon kiang lam in.

KISIMNA LEKHABU 24:17

Ama chu ka mu’n, tu’hin chu hi nai lo; ka en ah, naicha hilo, Jakob ah kipat in Aksi khat hung pawt intin, Israel ah kipat in lal tiang hung dingdok in a; Moab chalki khen phel intin, Sheth chate zosia khên pâi in a.

MATTHAI 21:42

Ziaphatchun, Jesu’n a kiang un, Pathian lekha thu ah: Insate’n a doilo uh suang kha, a kil ah suang poimaw pen chu a la hi: Zia hi Lalpa thilbawl chu ahi’n, I mit muu in a mak ahi, ti ah kizik kha sim kha lo la hiu em? a tia.