JEREMIAH 48:36 - PATHIAN LEKHABU THIANGTHO (BSI)

³⁶ Ziaziakchun, Thithâk La, theile’ kimut gual in Moab gam chu ka lungthim in ka sûn ta’n; Kir-heres ah mite chu Thithâk La, theile’ kimut gual in ka sûn hi; a hausaknau zosia a mangthai ta’ngâl a.

JEREMIAH 48:36 ပူးပေါင်းရင်းမြစ်များ

2 LENGTE 3:25

Khawpite chu a bungbutun ua, chuleh gam phatna mun taphot ah chun suang a sep lut ua, a hukdim kei tau a; tuinâk taphot chu a huk tan ua, thingpha taphot le a phuk tau hi. Kir-hareseth bep in suang kulbângte chu a um zing a, ahi’n vaisuangse choite’n a hun ûm ua, a do tau hi.

THUPILTE 11:4

Lungnatna ni ah chun nei leh lam in, phatchuamna nei pua’n tin; ahi’n, dikna chun vang, thi’na kipat in hukdok in a.

THUPILTE 13:22

Mipha chun a tute â ding tiang in go a nutsia piak sek in; mi nunsiate go chu vang midikte lua ding bep ahi.

THUPILTE 18:11

Mi hausate nei leh lam chu a khawpi det uh ahi hen; amau lunggêl dan ah chun a kulbâng sâng tak gual ahi.

ISAI 15:5

Ka lungthim in Moab ka kâ khum in; a galjamte chu Zoar tiang leh, Eglath-shelishiyah tiang in a jam ui. Luhith lamto ah chun kap kawm kawm in a kal to un; Horonaim lampi chun siatna tâng a sam un;

ISAI 15:7

Ziaziakchun, a thil lamdawteu leh, a khol khawm zosiau kipuak in, Huisûm guam gâl lam in a taipi tau hi.

ISAI 16:11

Ziaziakchun, Moab sûnna gawsem gual in, ka lungchang a phu dûp dûp in, ka hinna’n le Kir-heres lungsiat ziakin a phu zot zot hi.

ISAI 63:15

La chênna thiangtho leh ja’um tak, van ah kipat in hun thîl suk in en tiam in. La phatchuam ngaina leh la hatna kha, khoilam ah um ahi tam? La lungthim ah lei ngainatna leh, lei khawtuana keima ah kipat hin lâkmang ahi tai.

JEREMIAH 17:11

Diklo tak ah hausakna kholkhawmte chu, vavêng ama tui hilo opkeu gual a hiu ah; a khangdawng lai un ama chu nusia intiu in, a tawp phat leh a ngolnau kilang ta’n a.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 48:31

Ziaziakchun, Moab chu sûn in, Moab ah chêng zosia chu ka kâ khum hi; Kir-heres ah chêng zosia chu sûn in, ka kâ khum hi.