JEREMIAH 48:28 - PATHIAN LEKHABU THIANGTHO (BSI)

²⁸ Aw, Moab gam ah chêngte haw, khawpi nusiau inla, suangbûk ah vachêng tau in! Kawlhawm gei ah bu sep, vakhu gual in vachêng ziang tau in.

JEREMIAH 48:28 ပူးပေါင်းရင်းမြစ်များ

THILSIAM THU 8:12

Zia kipat chu ni sagi a ngak nalai in, vakhu chu a lên dawsak kit ah; ahi’n, a kiang lam in a hung kit ta puai.

SOLOMON LÂ 2:14

Aw, ka vakhu, kawl suangpi lak ah um ah, kawldan kâl ah um sek; la mêl ei musak inla, la aw le ei hiatsak in; la aw chu a ngainop um in, la mêl le a ngaikâi hi.

ISAI 2:19

Lei chung hilau ding ah a hung kuan phat leh, Lalpa lalna a lopi ding ziak leh, a lau um ma ma ding ziakin, suangpi kawlhawm leh, lei kawhawmte ah chun tâi lut un.

JEREMIAH 48:9

Moab chu suksiat ah um ngei ngei ding a hiziak in, a thân suang ding khek piak un; a khawpite chu suksiat sik sek hi’ntin, a sung ah kuama chêng ta pua’n a.

JEREMIAH 49:16

Nang, kawl suangpi lak ah chêng a, tângsâng chung ah thuneipa, tizat umna la chaw’phul leh, la lungthim kiletsakna chun, a hun thêm pûk ta la hi chu! Mupi gual in sâng tak in bu sia male chin, zia kipat chun hun latha tho tho ding ka hi, Lalpa‘n a tii.

JEREMIAH 49:8

Dedan ah chêngte haw, taijak unla, kiheimang in kisêlmang tau in! Ama ka gawt hun a tun phat leh, Esau lungjinna a chung in tung ding ahi.

VAIHAWMTE 6:2

Midiante’n Israelte chu a soisa tau ah; Midiante a lau ziak un Israelte chu mual ah te, kawlhawm ah te kisêlna ding siam in a kisêl tau a.

1 SAMUEL 13:6

Israelte chu a pang zo talo a hiu ti a kihiat phat un, mipite chu kawlhawm ah te, kawhawm ah te, suangpi lak ah te, thân kuak ah te leh tuikul ah te chun a kisêl mang zo tau a.