JEREMIAH 48:26 - PATHIAN LEKHABU THIANGTHO (BSI)

²⁶ Lalpa do ding ah a kisan pawm ziakin, Moab chu dawn khamsak tau in; Moab chu a luak lak ah kibualsak tau in; ama chule mite nuizatbûk hung hita hen.

JEREMIAH 48:26 ပူးပေါင်းရင်းမြစ်များ

JOB LEKHABU 15:25

Amau in a khut ua Pathian do ding ah, a lapdaw ziak un leh, Hat Chungnung Pathian dem ding ah, a la kipat tâk ziak un;

JOB LEKHABU 9:4

Ama chu lunggil ah pil leh, thilhitheina hat ahi ngâl ah, ama dodâl ah lawting ding kua a hem um?

SAM 2:4

Van ah chupa chun a nuisan in; Lalpa‘n amau chu nuizat um a sai.

SAM 59:8

Himaleh, aw Lalpa, nang in amau chu la nuisan ah, namtinte chu tawtbawlna’n la mang tai.

SAM 60:3

La mite hi thil haksa tak tak la thoksak ah, zukham gual ah ka zoithâkna ding un, dawn ding zu lei piai.

SAM 75:8

Lalpa khut ah chun a lungnatna no a um in, a lungnatna uain pha tak ah chawhel zaw ahi; zia chu hun sungtha’n tin, khawvel ah mi nunsiate zosia’n chîpkang in au.

PAWTDAWNA THU 5:2

Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

PAWTDAWNA THU 9:17

Tu’tiang ah hin ka mipite chung ah hin la kichawisâng nalai ah, pawt sak nuam nai diak lo la hi;

ISAI 10:15

Heichapi’n ama mangte chung ah kiletsak tak ah kisuang in, chuleh, thing âtna’n ama mangte chung in a kiletsak thei em? Mol le a mangte chung in a kiletsak diak puai!

ISAI 19:14

Lalpa‘n a lak un buaina thagau a sunthâk khum tai; zukham vuang dong dong ah a luak gual in, Aigupta chule a thilbawl zosia in a hawi dong dong tai.

ISAI 28:8

Dawkan zosia luak in a dim zo ta’n, a thianna mun a um ta paw’ngâl a.

ISAI 29:9

Ki-ngolsak unla, ngolden tau in, kimulosak unla, mitthûm den tau in! Dawn kham un, zu chu hilo in; hoi dong dong tau in, zukha kham chu hilo in!

ISAI 51:17

Aw Jerusalem, hung tho inla, hung kipan inla, hung dingdok tiam in; Lalpa khut ah a lungnatna no ah um chu, la dawn kham ta’n, kithinna no ah a tawnên tiang in, la chîp kang ta chulam.

ISAI 63:6

Lungna ma ma in mipite chu ka chil ta’n, ka hachangthakna ka gawtnawi in; chuleh, a thisan uh lei tual in ka sungtha tai.

JEREMIAH 48:39

Bang gual bep ah hisiat a hitau em! Bang gual lawm ah lusûn ahi tau em! Bang gual bep ah Moab chu mualpho kit ahi tam! Tichun, Moab chu a kîmvêl ah mi zosia nuizatbûk leh tizat a hung hitau hi.

JEREMIAH 48:42

Moab nam pumpi chu, Lalpa do ah a kiletsak ziak un, suksiat dik dek hita’n au.

JEREMIAH 50:29

Babulon do dingin thal kap thiam, thalpi chawi zosia chu ko khawm un. Hual kîmvêl unla, khat chale suachâtsak kiu in. Lalpa, Israelte Mithiangtho chu ki-uangsak tak ah a la simmaw ziak un. Ama’n a la bawl tawh kiphutawk in a chung ah bawl tau in.

JEREMIAH 51:39

A hung kichawphul phat ua leh, a dawn ding uh pia’ng ka tin, khawmu khawchang helo ah a lim hialna ding un, dawn khamsak ing ka tin, hung khanglo kit talo ah, kumkhua a i-mut den hialna ding un, Lalpa‘n a tii.

JEREMIAH 51:57

A milian leh a mi pilteu, gam awpte, vaihawmte leh, a sepai hangsante natiang in dawn khamsak ding ka hi; lum den intiu in, khanglo kit ta pua’n au; Lengpa, a min Sepai honte Lalpa chun a ti ahi.

JEREMIAH 51:7

Babulon chu Lalpa khut ah sana no, khawvel pumpi dawn kham sak chu ahi; namtin in a uain chu a dawn un, tichun, namtin chu a ngol zo tau hi.

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

KÂ LATE 3:15

Khâtna’n ei hi’dim in, gamsai ei dawnsak hi.

KÂ LATE 4:21

Aw Edom chanute, Uz gam ah chêngte haw, lim in kipak tau in, siatna no chu nang kiang le, hung tung ding ahi ngal a; zia chu dawn kham in, la puan lîp piak hi’n la.

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

DANIAL 8:10

Van ah umte chan in a khang a. Van ah umte khenkhat leh aksite lei tual a paitha’n, a chuanchil tai.

NAHUM 3:11

Nangma (Nineveh) le kham in la tin, kisêlmangna ding hawl inla; mêlmate ah kipat kisêlna ding hawl inla.

HABAKKUK 2:16

Lopina sâng ah simmaw’na khuksak hi’n la. Nang inle dawn inla, kham ta’n! Lalpa khut changlam ah no chu, la kiang in hung kile’kit intin, lopina sâng in mualphona hung tung in a!

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

THUPUAN 16:19

Tichun, khawpi lopi chu mun thum in a hung kikhen ah, namte khawpi chu a chim tai; chun, Pathian in Babulon khawlopi tatdan chu a hezing ah, a lungnatna uain hai chu a butthâk khum ta ahi.