JEREMIAH 46:2 - PATHIAN LEKHABU THIANGTHO (BSI)

² Aigupta chungchâng, Josiah chapa Lengpa Jehoiakim, Judai gam ah a lal kum li na’n, Euphrates lui pang ah Karkhemish khua Babulon Lengpa Nebukadrezar in, Aigupta Lengpa Pharaoh Neko sepaite a zaw’na chungchâng ah a thugen chu:

JEREMIAH 46:2 ပူးပေါင်းရင်းမြစ်များ

2 LENGTE 18:21

Ngai in, tu’hin, Aigupta luangkang bongsum chung ah kinga bep la hi; zia gual chung ah ki-ngate chu ama ngei sun ding ahi: Aigupta Lengpa Pharaoh chule zia gual chu ahi.

2 LENGTE 23:29

Ama hun lai ah chun, Aigupta ah Lengpa Pharaoh Neko chu Euphrates luidung ah chun, Assuria Lengpa tawh kido dingin a hung kuan to a; Lengpa Josiah chule Pharaoh Neko do dingin a kuan ah, a kido phat un, Pharaoh Neko chun Megiddo mun ah chun a that tai.

2 LENGTE 23:33

Ama chun Jerusalem ah vai a hawm sawtlona dingin, Pharaoh Neko chun Hamath gam ah Riblah mun ah chun a khâktan ah; tichun, khasana ding dan in dangka talent za khat leh sana talent khat a piaksak a.

2 LENGTE 24:7

Babulon Lengpa chun Aigupta lui ah kipat Euphrates lui chanah Aigupta Lengpa thuneina gam chu a lâkpiak tâk ziakin, zia nung sia chu Aigupta Lengpa chu a gam ah kipat in a hung pawtdok kit ta puai.

ISAI 10:9

Kalno khua chu Karkhemish khua gual tho hilo a hem? Hamath khuale Arpad khua gual tho hilo a hem? Samaria le Damaska gual tho hilo a hem?

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

ISAI 19:19

Zia ni phat chuleh, Aigupta gam lailung ah chun, Lalpa â ding ah mâichâm khat hung kidin intin; chuleh, a gamgi bul ah chun Lalpa min in khuam pakhat hung kiphut in a.

JEREMIAH 25:1

Judai gam ah Josiah chapa, Lengpa Jehoiakim a lal kum li’na chun, Jeremiah kiang in Judai gam ah mi zosia chung ah hung tung ding thu khat a hung tung a, (zia chu Babulon lengpa Nebukadrezar lal kum khatna ahi’n;)

JEREMIAH 25:19

Aigupta Lengpa Pharaoh tawh a suakte, a milian leh lalte tawh a mipite zosia;

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 36:1

Judai gam ah Josiah chapa, Lengpa Jehoiakim lal kum li’na’n; Jeremiah kiang in Lalpa‘n zia gual hin a hun gen a:

JEREMIAH 43:11

Hung intin, Aigupta gam chu hisia’n tin: Natpi ah thidingte chu natpi’n thi’n tiu in; sal ah tâng ding ah a guatte chu, sal ah tâng intiu in; chemjam ah thi ding ah a guatte chu, chemjam in thi’n au.

JEREMIAH 45:1

Judai gam ah Lengpa Josiah chapa, Jehoiakim a lal kum li’na chun, Jeremiah gen dungzui ah zia thute hi lekhabu zial ah a zik lai ah, Neriah chapa Barukh kiang ah jawlnei Jeremiah thugen chu:

JEREMIAH 46:14

Aigupta gam ah vagenjak unla, Migdol, Memphis leh Tahpanhes khuate ah hin, vapuang jak tau in; a kiang un, “La panmun uh luau inla, kigingsa’n um un, la kîmvêl ua umte chu, chemjam in hun that gam ding ahi ngâl un,” tiu in.