JEREMIAH 43:10 - PATHIAN LEKHABU THIANGTHO (BSI)

¹⁰ a kiang un zia gual hin gen in: Sepai honte Lalpa, Israelte Pathian in zia gual hin a gen hi, ti’n la: Ka suakpa, Babulon Lengpa Nebukadrezar chu hun sawl ing ka tin, zia ka suangphute chung ah hin a lalchutpha daw dingin hun pui ing ka; chuleh, a lal puan In chu zia chung ah hin hun jaksak ding ka hi.

JEREMIAH 43:10 ပူးပေါင်းရင်းမြစ်များ

1 LENGTE 20:12

Ben-hadad in zia thuthot a la het phat ah chun, (ama chu lengte chu tawh bûkcha sung ah uain a la dawn lai tak uh ahi’n,) a gâlhatte kiang in, “La panmun uh la chiat un!” a tia. Khawpi mai zawn ah chun a panmunteu a la chiat tau hi.

1 LENGTE 20:16

Sûnchang lai tak in a kuandok tau a; Ben-hadad in ama pankhawmpi leng sawmthum leh nite tawh uain a dawn kham lai tak uh ahi’n.

SAM 18:11

Thimpi hi a lalchutpha tuamna’n a mang a, sûmpi sâ tak ah thim leh tui haw hi, a lalchutpha liana’n a mang in, tui haw hi bûkcha’n a mang hi.

SAM 27:5

Lungdon ni chun a bitna mun ah ei sêlgu ding ahi’n, a humbitna puanbûk ah chun ei sêlgu’n tin, suangpi chung sâng takah ei lângkai ding ahi.

SAM 31:20

Amau chu la humbitna lîm ah sêlgu’n, mihingte guanggalna phalo lak ah, kipat in, humbit inla tin; nialhatna lei lak ah kipat in, la bûkcha sung ah sêlgu ta’n.

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 45:1

Lalpa chun a sathaunu’ Kuras, nam tinte tawden ah, leng leh lalte a lal puan uh lîp thâksak ding leh, a ma-âng ah kotkhakte a la hong dingin ka la guat ta’n;

JEREMIAH 1:15

Mallam ah nam zosia ko khawm ding ka hi Lalpa‘n a ti’n; tichun, hung khawm intiu in, Jerusalem kul kotkhak leh a pang ah kulbâng kîmvêl leh Judai gam ah khawpi zosia ah chun a lal chutphau hun lem in au.

JEREMIAH 43:9

Suangtum lianpi pi la’n la, Tahpanhes khua Pharaoh lal In lutna bul ah, a kalbi nuai ah chun phûm in. Zia la thilbawl chu Judah mite mit mu ngei in bawl inla,

JEREMIAH 46:13

Aigupta gam do ding ah Babulon Lengpa Nebukadrezar a hung kuan ding thu, Lalpa‘n jawlnei Jeremiah kiang in zia gual hin a la gen a.

JEREMIAH 49:38

Elam ah ka lalchutpha daw ing ka tin, a lengpau leh a sia’mângte that gam ing ka, Lalpa‘n a tii.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

DANIAL 2:21

Ama’n hun leh hunbîte a sudanglam ah, lengte a paitha’n, lengte a tungding hi; mipil kiang ah pilna a pia’n, hetthiamna neite kiang in hetna a pia’i.

MATTHAI 22:7

Zia thu chu lengpa’n a la het phat in a lungna ma ma ah; a sepaite a sawl ah, zia mithatte chu a vasuchimit tau ah, a khuau le a hâltum piak tau hi.